ད་ལོའི་དཔྱིད་ཀར་སློབ་འགོ་ཚུགས་པ་ནས་བཟུང་། དཀར་མཛེས་ཁུལ་དང་རྔ་བ་ཁུལ། ལའང་ཧྲན་ཁུལ། ལེ་ཧྲན་གྲོང་ཁྱེར། དེ་མིན་མན་དབྱང་གྲོང་ཁྱེར་པེ་ཁྲོན་རྫོང་སོགས་ཚུད་པའི་རྫོང་51ལ་ལོ་15ཡི་སློབ་ཡོན་མི་དགོས་པའི་སློབ་གསོ་མངོན་འགྱུར་བྱུང་རྒྱུ་རེད། འདི་ལ་ཞིང་ཆེན་ཡོངས་ཀྱི་ནོར་སྲིད་ཀྱིས་མ་དངུལ་ཁྱོན་སྒོར་དུང་ཕྱུར་5.4བཏང་ཡོད་ལ། བྱེད་ཐབས་འདིས་མི་རིགས་ཁག་གི་སློབ་མ་ཁྲི་150ལྷག་ལ་ཕན་ཐོགས་ཡོད།
     སི་ཁྲོན་ནི་རང་རྒྱལ་གྱི་བོད་རིགས་མི་འབོར་འདུས་སྡོད་བྱས་པ་ཆེ་གྲས་གཉིས་པ་དང་དབྱིས་རིགས་འདུས་སྡོད་ཁུལ་ཆེས་ཆེ་ཤོས། ཆའང་རིགས་འདུས་སྡོད་ཁུལ་ཉག་གཅིག་ཡིན། དུས་ཡུན་རིང་པོའི་ནང་དུ། མི་རིགས་ས་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་དང་སློབ་གསོའི་རྨང་གཞི་ཅུང་ཞན། 
     ཐོག་མར་ལོ་བཅོ་ལྔའི་སློབ་རིན་མི་དགོས་པའི་སློབ་གསོ་ལག་བསྟར་བྱས་པའི་དཀར་མཛེས་ཁུལ་དང་རྔ་བ་ཁུལ་དུ་སློབ་གསོའི་ལས་དོན་མགྱོགས་མྱུར་དང་དགེ་མཚན་ལྡན་པའི་ངང་འཕེལ་རྒྱས་ཀྱི་དུས་རིམ་གསར་པར་སླེབས།
     ཐོག་མར་9＋3སློབ་ཡོན་མི་དགོས་པའི་འབྲིང་རིམ་ལས་རིགས་ཀྱི་འཆར་གཞི་ཁྱབ་སྤེལ་བྱས་པའི་སི་ཁྲོན་བོད་ཁུལ་དུ། ས་གནས་དེ་གའི་ན་གཞོན་ཁྲི་ཕྲག་མང་པོ་སློབ་མཐར་ཕྱིན་ནས་སྤྱི་ཚོགས་ཀྱི་ལས་སྟེང་སོ་སོར་ཞུགས་ཤིང་མི་གཅིག་ལས་ཀར་ཞུགས་པས་ལས་ཁྱིམ་མི་ཡོངས་དབུལ་སྒྲོལ་བྱེད་པ་མངོན་འགྱུར་བྱུང་བཞིན་མཆིས།།