ཉེ་ཆར། ཀུན་གྱིས་Googleཡི་མིས་བཟོས་རིག་ནུས་AlphaGoདང་མིག་མངས་རིམ་པ་དགུ་ཅན་གྱི་ལི་ཧྲི་ཧྲི་གཉིས་ཀྱི་ཁ་གཏད་འགྲན་རྩོད་ལ་དོ་སྣང་ཆེན་པོ་བྱེད་བཞིན་འདུག ཚན་རྩལ་ཉིན་བཞིན་འཕེལ་རྒྱས་འགྲོ་བཞིན་པའི་དེང་གི་དུས་འདིར་མིས་བཟོས་རིག་ནུས་ལ་ཉིན་རེ་བཞིན་དོ་སྣང་ཆེན་པོ་ཐོབ་ཡོད་པ་དང་དོན་དངོས་སུ་གློག་བརྙན་མང་པོའི་ཁྲོད་ཀྱི་མིས་བཟོས་རིག་ནུས་གྲགས་ཅན་འགས་ལྟད་མོ་བར་བག་ཆགས་ཟབ་མོ་བཞག་འདུག

          པར་རིས་འདི་ནི་འཁྲབ་སྟོན་པ་ཆེན་མོ་སི་ཐན་ལི་ཁུ་པུ་ལི་ཁེ་ཡི་《2001ལོར་བར་སྣང་ཉུལ་བའི་ཟིན་བྲིས།》ཅེས་པའི་བརྩམས་ཆོས་གྲགས་ཅན་དེའི་ཁྲོད་ཀྱི་འཕུར་གྲུའི་ཚོད་འཛིན་གློག་ཀླད་གཙོ་བོ་ཧ་ཨར་9000（HAL-9000）གི་སྣང་བརྙན་རེད། གློག་བརྙན་འདིའི་ཁྲོད་མངོན་པའི་སྒོར་ཚེག་དམར་པོ་དེས་གཏན་ཚིགས་ཚགས་དམ་ཞིང་བྱ་ཐབས་གདུག་རྩུབ་ཆེ་བའི་གློག་ཀླད་ཀྱི་གཟུགས་བརྙན་ཞིག་བསྐྲུན་ཡོད་དེ་རི་མོ་དེའང་གློག་བརྙན་དེས་ཁྱབ་གདལ་དང་བསྟུན་ནས་དར་ཁྱབ་ཆེ་བའི་རིག་གནས་ཀྱི་མཚོན་རྟགས་ཤིག་ཏུ་གྱུར།།