སྤྱི་ཟླ་3པའི་ཚེས་14ཉིན་གྱི་སྔ་དྲོར། ཀྲུང་གུང་ལི་ཐང་རྫོང་ཨུ་ཡིས་2016ལོའི་བསམ་བློ་རིག་གནས་ལས་ཀའི་དྲིལ་བསྒྲགས་ཚོགས་འདུ་འཚོགས་ཏེ་གོམ་གང་མདུན་སྤོས་ཀྱིས་དྲིལ་བསྒྲགས་འདུ་ཤེས་ཆེ་རུ་བཏང་ནས། ཧུར་བརྩོན་ཆེན་པོས་དྲིལ་བསྒྲགས་ཆེ་བའི་རྣམ་པ་བསྐྲུན་དགོས་པའི་བླང་བྱ་བཏོན།
དཀར་མཛེས་ཁུལ་ཨུའི་དྲིལ་བསྒྲགས་པུའུ་ཡིས་གཏན་འབེབ་བྱས་པའི་ལས་འགན་བཀོད་སྒྲིག་དོན་འཁྱོལ་བྱས་པའི་རྨང་གཞིའི་ཐོག གནད་ལ་འཁེལ་བའི་བསམ་བློ་ཆབ་སྲིད་ཀྱི་སློབ་གསོ་དང་། འཕྲིན་སྦྱོར་གསར་པའི་སྟེགས་བུ་འཛུགས་སྐྲུན། གསར་འགྱུར་གླེང་ཕྱོགས་ཀྱི་འཐབ་ཕྱོགས་འཛུགས་སྐྲུན་དང་རིག་གནས་དམངས་ཕན་དབུལ་སྐྱོར་སོགས་ཀྱི་ལས་ཀ་བཀོད་སྒྲིག་བྱས།
ལི་ཐང་རྫོང་གིས་རིམ་པ་བཞིན་ཁག་སོ་སོའི་ཏང་ཨུ་（ཏང་ཙུའུ）ཡི་འདུ་ཤེས་འཛིན་སྟངས་ཀྱི་ལས་ཀའི་འགན་འཁྲི་སྲ་བརྟན་དུ་བཏང་ནས་དྲིལ་བསྒྲགས་ཆེན་པོའི་ལས་ཀའི་རྣམ་པ་ཡག་པོ་བསྐྲུན་རྒྱུ་རེད།
