ཉེ་ཆར་སྐབས་གསུམ་པའི་བརྙན་ཕྲན་དང་ང་ཚོ་ཞེས་པའི་རྒྱལ་ཡོངས་བརྙན་ཕྲན་འགྲན་སྡུར་གྱི་རྩ་འཛུགས་ཨུ་ཡོན་ལྷན་ཚོགས་ཀྱིས་གསར་བསྒྲགས་བྱས་པ་ལྟར་ན། བོད་རིགས་བུད་མེད་འཁྲབ་ཁྲིད་པ་བདུད་རྩི་སྐྱིད་ཀྱིས་སྒྲིག་ཁྲིད་བྱས་པའི་གློག་བརྙན་《གངས་འདབས་ཀྱི་ཤིང་སྡོང་ཁེར་རྐྱང་།》ལ་ཕུལ་བྱུང་འཁྲབ་གཞུང་རྩོམ་མཁན་དང་ཕུལ་བྱུང་སྐྱེས་པའི་འཁྲབ་སྟོན་པའི་བྱ་དགའ་གཉིས་ཀྱི་མིང་གྲས་སུ་ཚུད་པ་དང་ཟླ་3པའི་ཟླ་མཇུག་ཏུ་ཅང་སུའུ་ཞིང་ཆེན་ཐའེ་ཀྲུའུ་གྲོང་ཁྱེར་དུ་བྱ་དགའ་སྤྲོད་པའི་མཛད་སྒོ་སྤེལ་རྒྱུ་རེད།
རྒྱུས་ལོན་བྱུང་བ་ལྟར་ན་བརྙན་ཕྲན་དེར་རྒྱལ་ཡོངས་རང་བཞིན་གྱི་གློག་བརྙན་དུས་ཆེན་སོ་སོའི་སྟེང་གཏམ་རྒྱུད་གློག་བརྙན་གྱི་བྱ་དགའ་དང་ཕུལ་བྱུང་བྱིས་པའི་གློག་བརྙན་གྱི་བྱ་དགའ། ཕུལ་བྱུང་སྐྱེས་པའི་འཁྲབ་སྟོན་པ་དང་ཕུལ་བྱུང་འཁྲབ་ཁྲིད་པ། ཕུལ་བྱུང་འཁྲབ་གཞུང་རྩོམ་མཁན་གྱི་བྱ་དགའ་དང་དཔྱད་འདེམས་པ་མཐུན་ཚོགས་ཀྱི་བྱ་དགའ་ཆེན་མོ་བཅས་བྱ་དགའ་བཅུ་གཉིས་ཐོབ།།
