ཉེ་ཆར། གངས་ཅན་སྐྱེས་མའི་དཔེ་ཚོགས་ཏེ་བོད་ཀྱི་ལོ་རྒྱུས་སྟེང་མཁས་མཛངས་གཉིས་ཆ་ལྡན་པའི་མཁའ་འགྲོ་མ་ཁག་ཅིག་གི་གསུང་རྩོམ་དང་མཛད་རྣམ་ཕྱོགས་བསྒྲིགས་པོད1ནས15ཡི་བདག་ཉིད་ཅན་འདི་སི་ཁྲོན་མི་རིགས་དཔེ་སྐྲུན་ཁང་ནས་དངོས་སུ་དཔེ་སྐྲུན་ལེགས་འགྲུབ་བྱུང་།
     འདིའི་ཁྲོད་ཀྱི་པོད་དང་པོ་ནས་གཉིས་པ་ནི་མཁའ་འགྲོ་ཡེ་ཤེས་མཚོ་རྒྱལ་གྱི་གསུང་རྣམ་དང་། པོད་གསུམ་པ་ནས་བཞི་པ་མ་ཅིག་ལབ་ཀྱི་སྒྲོན་མེའི་གསུང་རྣམ། པོད་ལྔ་པ་རྗེ་བཙུན་མི་འགྱུར་དཔལ་སྒྲོན་གྱི་གསུང་རྣམ། པོད་དྲུག་པ་ཁྲོམ་དགེ་ཟླ་བ་སྒྲོན་མའི་དག་སྣང་སོགས་དང་། པོད་བདུན་པ་ཤུག་གསེབ་རྗེ་བཙུན་མའི་གསུང་རྣམ་སོགས། པོད་བརྒྱད་པ་མཁའ་འགྲོ་བསོད་ནམས་དཔལ་འདྲེན་སོགས་ཀྱི་རྣམ་ཐར། པོད་དགུ་པ་ནས་བཅོ་ལྔ་པ་ནི་སེ་ར་མཁའ་འགྲོ་བདེ་ཆེན་བདེ་བའི་རྡོ་རྗེའི་གསུང་འབུམ་བཅས་ལགས་སོ། །