ཉེ་ཆར། འཛམ་ཐང་རྫོང་གིས་དབུལ་སྒྲོལ་འགག་སྒྲོལ་གྱི་ཚོགས་ཆེན་སྟེང་2016ལོའི་གནད་སྨིན་དབུལ་སྐྱོར་དང་གནད་སྨིན་དབུལ་སྒྲོལ་གྱི་ལས་ཀ་ལེགས་འགྲུབ་ཡོང་བར་དམིགས་ནས་ཡང་བསྐྱར་སྐུལ་མ་དང་བཀོད་སྒྲིག་བྱས།
    རྫོང་དེའི་ཏང་ཨུ་དང་སྲིད་གཞུང་གིས་ཀྲུང་དབྱང་དང་ཞིང་ཆེན། ཁུལ་རིམ་པའི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་ནན་མོ་བྱས། ན་ནིང་གི་ཟླ་8པའི་ཟླ་མཇུག་ནས་ད་བར་དུ། རྫོང་ཡོངས་ཀྱིས་དབུལ་ཕོངས་མི་གྲངས་8162དང་། དབུལ་ཕོངས་ཡུལ་སྡེ་44ཡི་ཡིག་ཚགས་སྒྲིག་པའི་ལས་ཀ་གཞི་རྩའི་ཆ་ནས་ལེགས་འགྲུབ་བྱུང་། དུས་མཚུངས་སུ་བསྐྱར་ལྟ་དང་དྲ་བཤེར་བྱས། 
    ཉེ་བའི་ལོ་ཤས་རིང་། འཛམ་ཐང་རྫོང་གིས་མུ་མཐུད་དུ་རྨང་གཞིའི་སྒྲིག་བཀོད་འཛུགས་སྐྲུན་དང་ཁྱད་ལྡན་ཐོན་ལས་གོང་འཕེལ། སྤྱི་པའི་ཞབས་ཞུ་ལེགས་བཅོས་བཅས་ཇེ་མགྱོགས་སུ་བཏང་ནས། རྫོང་ཡོངས་ཀྱི་དབུལ་ཕོངས་རྣམ་པར་འགྱུར་ལྡོག་ཆེན་པོ་བྱུང་ཞིང་། དབུལ་སྒྲོལ་འགག་སྒྲོལ་གྱི་རྨང་གཞི་སྔར་བས་སྲ་བརྟན་དུ་བཏང་། རྒྱུས་ལོན་བྱས་པ་ལྟར་ན། རྫོང་ཡོངས་ཀྱི་དབུལ་ཕོངས་མི་འབོར་གྱི་གྲངས་ཀ་2011ལོའི་མི་ཁྲི་1.3ནས་2015ལོའི་ལོ་མཇུག་གི་མི་ཁྲི0.8ལྷག་ཏུ་ཇེ་ཉུང་ལ་སོང་། དབུལ་ཕོངས་བྱུང་ཚད་2011ལོའི་37.49%ནས2015ལོའི་ལོ་མཇུག་གི་17.6%ཏུ་མར་ཆག་ཡོད། ཞིང་འབྲོག་མང་ཚོགས་ཀྱི་མི་རེའི་ཆ་སྙོམས་ཀྱི་ཁེར་གཙང་ཡོང་འབབ་དེ་2011ལོའི་སྒོར་3680ནས་2015ལོའི་སྒོར་8653དུ་འཕར་སྣོན་བྱུང་ཡོད་ལ། ལོ་རེར་ཆ་སྙོམས་ཀྱིས་19.3%འཕར་སྣོན་བྱུང་ཡོད།།