སྤྱི་ཟླ་3པའི་ཚེས་14ཉིན། ཞིང་ཆེན་ཏང་ཨུའི་རྒྱུན་ལས་ཨུ་ཡོན། སྲིད་ཁྲིམས་ཨུ་ལྷན་གྱི་ཧྲུའུ་ཅི་ཧྲི་ཅུན་གྱིས་ལས་དོན་ཚོགས་ཆུང་ཁྲིད་དེ་ཀོང་ཨན་ནས་གནད་སྨིན་དབུལ་སྐྱོར་དང་གནད་སྨིན་དབུལ་གྲོལ་ལས་ཀར་བརྟག་ཞིབ་གནང་སྐབས་དབུལ་གྲོལ་འགག་སྒྲོལ་ནི་དོན་དངོས་ལ་གཞིག་སྟེ་དཀའ་ངལ་ཡོད་པའི་མི་སྣའི་གཞི་རྩའི་གནད་དོན་ཐག་གཅོད་གང་ཐུབ་བྱ་དགོས་ལ། ཞིབ་ཕྲའི་ལས་ཀ་ལ་སྔར་ལས་ཤུགས་སྣོན་བྱས་ནས་དབུལ་པོའི་དུད་ཚང་གི་ཐོབ་ཚོར་སྔར་ལས་མཐོ་བ་བྱ་དགོས་ཞེས་བསྟན།
     ཧྲི་ཅུན་གྱིས་ཀོང་ཨན་ཆུས་ཀྱི་དབུལ་གྲོལ་འགག་སྒྲོལ་ལས་ཀའི་གནས་ཚུལ་གྱི་སྙན་ཞུ་ལ་གསན་པ་དང་། ཀོང་ཨན་ཆུས་ཤིན་ཕེན་གྲོང་རྡལ་ལུང་ཁོན་སྡེ་བར་སོང་ནས་སྡེ་བ་དེའི་ཐོན་ལས་འཕེལ་རྒྱས་དང་རྨང་གཞིའི་སྒྲིག་བཀོད་འཛུགས་སྐྲུན་སོགས་ཀྱི་གནས་ཚུལ་ལ་ཡུལ་དངོས་བརྟག་ཞིབ་གནང་། དབུལ་པོའི་དུད་ཁྱིམ་དང་མཉམ་དུ་ཁ་བརྡ་བྱས་ཤིང་། བསམ་འཆར་དང་གྲོས་གཞིར་མཉན་པ། དབུལ་གྲོལ་འགག་སྒྲོལ་གྱི་བྱེད་ཐབས་གསར་པར་དཔྱད་བསྡུར་གནང་བ་མ་ཟད་ཁོ་ཚོར་ཡིད་སེམས་བརྟན་པོ་ཡོང་བར་སྐུལ་མར་བཏང་སྟེ། མིག་སྔའི་དཀའ་ངལ་སེལ་བ་དང་མགྱོགས་མྱུར་སྒོས་དབུལ་ཕངས་ལས་སྒྲོལ་བར་བྱ་དགོས་ཞེས་བསྟན།།