སྤྱི་ཟླ་3པའི་ཚེས་18ཉིན། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་ཞི་ཅིན་ཕིང་གིས་ཀྲུང་ནན་ཧེ་རུ་གྲོས་ཚོགས་ལ་གཙོ་སྐྱོང་གནང་ནས་དགུན་ཁའི་ཨོ་རྩལ་འགྲན་ཚོགས་དང་དགུན་ཁའི་དབང་པོ་སྐྱོན་ཅན་གྱི་ཨོ་རྩལ་འགྲན་ཚོགས་ཀྱི་གྲ་སྒྲིག་ལས་ཀའི་གནས་ཚུལ་གྱི་སྙན་ཞུ་ལ་གསན། ཁོང་གིས་པེ་ཅིང་དགུན་ཁའི་ཨོ་རྩལ་འགྲན་ཚོགས་དང་དགུན་ཁའི་དབང་པོ་སྐྱོན་ཅན་གྱི་ཨོ་རྩལ་འགྲན་ཚོགས་ཀྱི་གྲ་སྒྲིག་ལས་ཀ་ལེགས་པོ་བསྒྲུབ་པར་དོན་སྙིང་ཆེན་པོ་ལྡན་པར་མ་ཟད་འགན་འཁྲིའང་ཤིན་ཏུ་ལྕི། ལས་འགན་གྱི་ལོ་རྒྱུས་བསམ་བློ་དང་འགན་ཁུར་བསམ་བློ་གོང་འཕེལ་དུ་བཏང་ནས་ནན་ཏན་སྒོས་གསར་གཏོད་དང་མཐུན་སྦྱོར། ལྗང་མདོག སྒོ་འབྱེད། མཉམ་སྦྱོར་གྱི་འཕེལ་རྒྱས་འདུ་ཤེས་ལག་བསྟར་བྱེད་དགོས་པ་དང་། ལྗང་མདོག་གི་ཨོ་རྩལ་འགྲན་ཚོགས་བསྒྲུབ་པ་དང་མཉམ་སྤྱོད་ཀྱི་ཨོ་རྩལ་འགྲན་ཚོགས་བསྒྲུབ་པ། སྒོ་འབྱེད་ཀྱི་ཨོ་རྩལ་འགྲན་ཚོགས་བསྒྲུབ་པ། སྤྱོད་གཙང་གི་ཨོ་རྩལ་འགྲན་ཚོགས་བསྒྲུབ་དགོས། དེ་མིན་ཚད་གཞི་མཐོ་བ་དང་སྤུས་ཚད་མཐོ་བའི་སྒོ་ནས་གྲ་སྒྲིག་ལས་ཀ་ཁག་ལེགས་པར་འགྲུབ་པར་བྱས་ཏེ་དགུན་ཁའི་ཨོ་རྩལ་འགྲན་ཚོགས་དང་དགུན་ཁའི་དབང་པོ་སྐྱོན་ཅན་གྱི་ཨོ་རྩལ་འགྲན་ཚོགས་དེ་ཕུན་སུམ་ཚོགས་པ་དང་སྤྱིར་བཏང་མ་ཡིན་པ། ཁྱད་དུ་འཕགས་པ་ཞིག་ཏུ་བསྒྲུབ་ནས་མེས་རྒྱལ་མི་དམངས་དང་རྒྱལ་སྤྱིའི་སྤྱི་ཚོགས་ལ་བློ་ཡིད་ཚིམ་པའི་གྲུབ་འགྲུབ་ཅིག་མངོན་དགོས་ཞེས་བསྟན།།