སྤྱི་ཟླ་3པའི་ཚེས་20ཉིན། སྐབས་གསུམ་པའི་འཛམ་གླིང་འཕྲིན་སྦྱོར་མཐོ་རིམ་གྲོས་ཚོགས་ཁ་ཐར་རྒྱལ་ཁབ་ཀྱི་རྒྱལ་ས་དྷོ་ཧ་ནས་ཚོགས་འགོ་ཚུགས། དུས་ཡུན་ཉིན་གཉིས་རིང་གི་གྲོས་ཚོགས་སྟེང་རྒྱལ་ཁབ་དང་ས་ཁུལ་མི་འདྲ་བ་100ནས་ཐོན་པའི་འཕྲིན་སྦྱོར་སྡེ་ཁག་ཁག་གི་འགན་འཛིན་པ་350ལྷག་ལྷན་དུ་འཛོམས་ཏེ་གསར་འགྱུར་དང་གསར་འགྱུར་སྡེ་ཁག་གི་འབྱུང་འགྱུར་བརྗོད་དོན་དུ་བཟུང་ནས་བགྲོ་གླེང་མཛད།

    འཛམ་གླིང་འཕྲིན་སྦྱོར་མཐོ་རིམ་གྲོས་ཚོགས་ཀྱི་ལག་བསྟར་ཀྲུའུ་ཞི། ཞིན་ཧྭ་གསར་འགྱུར་ཁང་གི་འགན་འཛིན་པ་ཚེ་མིང་ཀྲའོ་ཡིས་གྲོས་ཚོགས་ལ་གཙོ་སྐྱོང་གནང་བ་དང་རྒྱལ་སྤྱིའི་གཙོ་རྒྱུགས་འཕྲིན་སྦྱོར་སྡེ་ཁག་བཅུའི་འགན་འཛིན་པ་དང་འཐུས་མི་གྲོས་ཚོགས་སྟེང་ཞུགས་པར་མ་ཟད་ཐུན་མོང་གིས་སེམས་ཁུར་བྱེད་བཞིན་པའི་བརྗོད་དོན་ཐད་ནས་གཏིང་ཟབ་པའི་སྒོ་ནས་བགྲོ་གླེང་དང་བསམ་འཆར་བརྗེ་རེས་བྱས།།