ཉེ་ཆར། གསར་འགོད་པས་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་ནས་རྒྱུས་ལོན་བྱུང་བ་ལྟར་ན། ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གིས་ཉེ་ཆར་ཞིང་ཆེན་ཡོངས་ཀྱི་སློབ་གྲྭ་ཆེན་མོ་བའི་ལས་ཞུགས་ལས་གཏོད་སྲིད་ཇུས་དོན་འཁྱོལ་བྱས་པའི་གནས་ཚུལ་དང་མ་དངུལ་དོ་དམ་བེད་སྤྱོད་བྱས་ཚུལ་ལ་ཆེད་དོན་ཞིབ་བཤེར་བྱ་རྒྱུ་ཡིན་ལ། སློབ་གྲྭ་ཆེན་མོ་བའི་ལས་ཞུགས་ལས་གཏོད་ཐད་ཀྱི་སྲིད་ཇུས་ཁག་དོན་འཁྱོལ་བྱེད་ཐུབ་པ་ཁག་ཐེག་བྱ་རྒྱུ་རེད།
     སློབ་གྲྭ་ཆེན་མོ་བའི་ལས་གཏོད་ལས་ཞུགས་ལ་སྐུལ་འདེད་བྱ་ཆེད། ད་ལོ་སི་ཁྲོན་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གིས་དབྱི་པིན་སློབ་གླིང་སོགས་མཐོ་སློབ་20ཡི་ནང་དུ་ལས་གཏོད་མཛུབ་སྟོན་སློབ་གླིང་དུ་བསྐྱོད་པ་ཞེས་པའི་བྱེད་སྒོ་སྤེལ་རྒྱུ་ཡིན་པ་དང་། སློབ་ཆེན་སློབ་མ་1000བསྡུས་ནས་གྲོང་གསེབ་ཏུ་བསྐྱོད་དེ་རྒྱབ་སྐྱོར་གསུམ་དང་དབུལ་སྐྱོར་གཅིག་ཞེས་པའི་རྣམ་གྲངས་ནང་ཞུགས་སུ་འཇུག་པ། མུ་མཐུད་དུ་ལང་ཚོའི་ལས་གཏོད་ཞེས་པའི་སློབ་ཆེན་སློབ་མའི་གསར་གཏོད་ལས་གཏོད་འགྲན་བསྡུར་ཆེན་མོ་དང་། ཞིང་ཆེན་ཡོངས་ཀྱི་སྐབས་བཞི་བའི་མཛུབ་སྟོན་དགེ་རྒན་གྲགས་ཅན་གྱི་དཔེ་ཁྲིད་ཅེས་པའི་སློབ་ཆེན་སློབ་མའི་གསར་གཏོད་ལས་གཏོད་མཛུབ་ཁྲིད་བསླབ་ཚན་གྱི་འགྲན་བསྡུར་ཆེན་མོ་དང་SYBདགེ་རྒན་གསོ་སྦྱོང་། SYBདགེ་རྒན་གྱི་ལས་སྒོའི་གསོ་སྦྱོང་མཐོ་འདེགས་སུ་གཏང་རྒྱུ་རེད། མུ་མཐུད་དུ་ཞིང་ཆེན་རིམ་པའི་སློབ་གྲྭ་ཆེན་མོ་བའི་གསར་གཏོད་ལས་གཏོད་གླིང་ཁུལ་ཁག་ཅིག་ངོས་ལེན་དང་རོགས་སྐྱོར་བྱེད་པ་དང་། སློབ་ཆེན་སློབ་མ་1000ལས་གཏོད་ལེགས་གྲུབ་ཡོང་བར་སྐུལ་འདེད་གཏང་རྒྱུ་རེད།།