ཉེ་ཆར། ཞིང་ཆེན་སྲིད་གཞུང་གཞུང་དོན་ཐིང་གིས་《འཚོ་བའི་རང་བཞིན་གྱི་ཞབས་ཞུའི་ལས་རིགས་འཕེལ་རྒྱས་མགྱོགས་སུ་གཏང་བ་དང་འཛད་སྤྱོད་ཀྱི་གྲུབ་ཚུལ་རིམ་འཕར་ལ་སྐུལ་འདེད་བྱེད་པའི་ལག་བསྟར་ཇུས་གཞི།》པར་བསྐྲུན་འགྲེམ་སྤེལ་བྱས་པར་མ་ཟད། སྲིད་འཛིན་དང་ལས་རིགས་སྒེར་བསྡོམས། ས་གནས་སྲུང་སྐྱོབ་སོགས་མེད་པར་བཟོ་བའི་སྲིད་ཇུས་དང་བྱེད་ཐབས་རབ་དང་རིམ་པ་བཏོན་ཞིང་། མགྱོགས་མྱུར་ངང་འཚོ་བའི་རང་བཞིན་གྱི་ཞབས་ཞུའི་ལས་རིགས་ཀྱི་ཐོན་ལས་འཕེལ་རྒྱས་དང་འཛད་སྤྱོད་ཁོར་ཡུག་མཐོ་འདེགས་སུ་གཏང་དགོས། ཇུས་གཞི་ལྟར་ན། རང་རེའི་ཞིང་ཆེན་གྱིས་ད་དུང་རྒྱལ་ནང་དུ་ཡོང་བའི་ཡུལ་སྐོར་ཀྱི་བྱ་དགའ་སྤྲོད་པའི་ཚོད་ལྟའི་བྱེད་ཐབས་ལག་བསྟར་བྱེད་རྒྱུ་ཡིན་པ་དང་། ཁྲེན་ཏུའུ་མཁའ་འགྲུལ་འགག་སྒོའི་ས་མཚམས་ཀྱི་ཆོག་མཆན་འགོད་མི་དགོས་པ་བརྩོན་ལེན་བྱས་ནས་མགྱོགས་མྱུར་སྒོས་འགྲམ་ངོགས་གནམ་གྲུ་ཐང་དང་པོ་དང་གཉིས་པ་འཛུགས་སྐྲུན་བྱ་དགོས། 
      གསར་དར་སྣེ་ཁྲིད་ཅན་གྱི་ཞབས་ཞུའི་ལས་རིགས་ཆེན་པོ་ལྔའི་བཀོད་སྒྲིག་ལ་དམིགས་ཏེ། རང་རེའི་ཞིང་ཆེན་གྱིས་བདེ་ཐང་དང་ཡུལ་སྐོར། ལུས་རྩལ། རིག་གནས། ཁྲིམས་ལུགས་སོགས་འཚོ་བའི་རང་བཞིན་ཅན་གྱི་ཞབས་ཞུའི་ལས་རིགས་ཁག་10གཙོ་གནད་དུ་འཕེལ་རྒྱས་བཏང་སྟེ། འཚོ་བའི་རང་བཞིན་གྱི་ཞབས་ཞུའི་ལས་རིགས་ཁག་གི་སྤུས་ཚད་དམ་ཕན་འབྲས་མཐོར་འདེགས་དང་རིགས་སྒྱུར་རིམ་འཕར་ལ་སྐུལ་འདེད་གཏང་དགོས།
      མགྱོགས་མྱུར་སྒོས་ཡུལ་སྐོར་དབུལ་སྐྱོར་དང་རིག་གནས་དམངས་ཕན་དབུལ་སྐྱོར་ལས་གཞི། གྲོང་གསེབ་ཀྱི་ཕྱོགས་བསྡུས་རང་བཞིན་གྱི་ཞབས་ཞུའི་དྲ་ཚིགས། སི་ཁྲོན་བོད་ཆའང་དབྱིས་རིགས་ཀྱི་རིག་གནས་བར་ཁྱམས་སྤུས་རྟགས་ཀྱི་འཛུགས་སྐྲུན་སོགས་སྐུལ་འདེད་གཏང་དགོས།།