སྤྱི་ཟླ་3པའི་ཚེས་21ཉིན་གྱི་སྔ་དྲོར། 2016ལོའི་སི་ཁྲོན་ཞིང་ཆེན་དང་ཁྲིན་ཏུའུ་གྲོང་ཁྱེར་ཏང་སྲིད་དམག་གསུམ་འགོ་ཁྲིད་ཀྱི་འོས་འགན་སྡོང་འཛུགས་བྱེད་སྒོ་དེ་ཁྲིན་ཏུའུ་གྲོང་ཁྱེར་ཤིན་ཏུའུ་ཁུལ་ནས་སྤེལ།  ཞིང་ཆེན་ཏང་ཨུའི་ཧྲུའུ་ཅི་ཝང་ཏུང་མིང་དང་ཞིམ་ཆེན་ཏང་ཨུའི་ཧྲུའུ་ཅི་གཞོན་པ། ཞིང་དཔོན་དབྱི་ལི། ཞིང་ཆེན་སྲིད་གྲོས་ཀྱི་ཀྲུའུ་ཞི་ཁོ་ཙུན་ཕིན། ཞིང་ཆེན་ཏང་ཨུའི་ཧྲུའུ་ཅི་གཞོན་པ་ལིའུ་གོ་ཀྲུང་སོགས་སྡོང་འཛུགས་བྱེད་སྒོར་ཞུགས།
     སྡོང་འཛུགས་བྱེད་སྒོའི་ཡུལ་དངོས་སུ་ཕེབས་པའི་ལམ་བར་དང་སྡོང་འཛུགས་བྱེད་སྒོ་མཇུག་སྒྲིལ་རྗེས། ཝང་ཏུང་མིང་དང་དབྱི་ལི་སོགས་ཀྱིས་ཞིང་ཆེན་དང་གྲོང་ཁྱེར། ཆུས་སོགས་ཀྱི་འབྲེལ་ཡོད་འགན་ཁུར་བློ་མཐུན་གྱིས་ནགས་ལས་ལས་ཀའི་སྐོར་གྱི་སྙན་ཞུར་གསན་པ་དང་། རང་རེའི་ཞིང་ཆེན་གྱི་ནགས་ལས་འཕེལ་རྒྱས་འཆར་འགོད་ཀྱི་སྒྲིག་བཟོ་དང་། སྡོང་འཛུགས་ནགས་བསྐྲུན། ཁྲེན་ཏུའུ་ཡི་གྲོང་སྐོར་སྐྱེ་ཁམས་ཁུལ། ཤིན་ཏུའུ་ཆུས་ཀྱི་བྱང་མཚེའུ་ཆུ་མཛོད་དང་ཤིང་ཁྲེན་བརླན་་ས་འཛུགས་སྐྲུན་སོགས་ཀྱི་གནས་ཚུལ་ལ་རྒྱུས་ལོན་བྱས།
    གསར་འགོད་པས་ཞིང་ཆེན་སྔོ་ལྗང་ཨུ་ལྷན་གཞུང་ལས་ཁང་ནས་རྒྱུས་ལོན་བྱུང་བ་ལྟར་ན། ན་ནིང་གི་ལོ་མཇུག་བར་དུ། ཞིང་ཆེན་ཡོངས་ཀྱི་ནགས་ཚལ་ཁྱབ་ཚད་36%ཟིན་པ་དང་། སྔོ་ལྗང་ཅན་གྱི་ཁྱབ་ཚད་65%ཟིན་ཡོད། 2016ལོའི་དཔྱིད་ཀར། ཞིང་ཆེན་ཡོངས་ཀྱི་ས་ཆ་སོ་སོ་དང་། འབྲེལ་ཡོད་ཀྱི་ཚན་པའམ་ལས་ཁུངས་དག་གིས་ཧུར་བརྩོན་ངང་སྡོང་འཛུགས་ནགས་བཟོའི་བྱེད་སྒོ་སྤེལ་ནས། མིག་སྔར་ནགས་བསྐྲུན་ནགས་སྐྱོང་མུའུ་ཁྲི་129ལེགས་འགྲུབ་བྱུང་བ་དང་། མི་ཐེངས་ཁྲི་2028ཀྱིས་ཁྱོན་བསྡོམས་ཤིང་སྡོང་ཁྲི་8469བཙུགས།།