ཉེ་ལམ། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་་ཁྲིམས་མཐུན་མ་ཡིན་པའི་འགོག་སྨན་ཉོ་ཚོང་བྱས་པའི་གྱོད་དོན་རབ་དང་རིམ་པར་མཆན་བཀོད་མཛུབ་སྟོན་གལ་ཆེན་གནང་། མཆན་བཀོད་མཛུབ་སྟོན་གྱི་ནང་དུ་ཐེངས་འདིའི་འགོག་སྨན་དོན་རྐྱེན་ལ་སྤྱི་ཚོགས་ཡོངས་ནས་ཚད་མཐོ་བའི་གདེང་འཇོག་བྱེད་པ་ལས་ལྟ་སྐུལ་དོ་དམ་ཐད་ལ་སྐྱོན་ཆ་མང་པོ་ཡོད་པ་མངོན། ཟས་རིགས་དང་སྨན་རྫས་ལྟ་སྐུལ་ཅུས་དང་འཕྲོད་བསྟེན་དང་འཆར་ལྡན་བུ་བཙའ་ཨུ་ཡོན་ལྷན་ཁང་། སྤྱི་བདེ་པུའུ་བཅས་ཀྱི་ནན་ཏན་སྒོས་མཐུན་སྦྱོར་རོགས་འདེགས་ཆེ་རུ་བཏང་ནས་ཁྲིམས་མཐུན་མ་ཡིན་པའི་འགོག་སྨན་གྱི་བརྒྱུད་ལམ་དང་བཀོལ་སྤྱོད་གནས་ཚུལ་ལ་ཞིབ་བཤེར་བྱ་དགོས་པར་མ་ཟད། དུས་ཐོག་ཏུ་སྤྱི་ཚོགས་ཀྱི་དོ་ཁུར་ལ་གསལ་བཤད་བྱ་དགོས། དེ་མིན་ཁྲིམས་འགལ་བྱ་སྤྱོད་ལ་རྡུང་རྡེག་ནན་མོ་དང་འབྲེལ་ཡོད་འགན་ཤོར་ལས་འཛོལ་བྱ་སྤྱོད་ལ་གཟབ་ནན་སྒོས་རྩད་གཅོད་བྱ་དགོས། དུས་མཚུངས་སུ་མགྱོགས་མྱུར་སྒོས་ལྟ་སྐུལ་དོ་དམ་ལམ་ལུགས་འཐུས་ཚང་དང་འགོག་སྨན་གྱི་ཐོན་སྐྱེད་དང་འཁོར་རྒྱུག འགོག་སྨན་རྒྱག་པ་བཅས་ཀྱི་རིམ་པ་སོ་སོའི་ལྟ་སྐུལ་དོ་དམ་གྱི་འགན་ཁུར་ལག་བསྟར་བྱས་ནས་ཞན་ཆ་ཁ་གསབ་བྱས་ནས་མི་དམངས་མང་ཚོགས་ཀྱི་ཚེ་སྲོག་བདེ་ཐང་ལ་འགན་སྲུང་བྱ་དགོས་ཞེས་བསྟན།།