སྤྱི་ཟླ་3པའི་ཚེས་22ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་བྷེམ་ཇམ་གྱི་རྒྱལ་ས་བྷ་ར་སལ་དུ་འཇིགས་སྐུལ་དོན་རྐྱེན་རབ་དང་རིམ་པ་བྱུང་བར་བྷེམ་ཇམ་གྱི་རྒྱལ་པོ་ཧྥེ་ལི་ཕོའོ་ལ་སེམས་གསོའི་གློག་འཕྲིན་བཏང་སྟེ་འཇིགས་སྐུལ་བྱ་སྤྱོད་ལ་རྒོལ་གཏམ་དྲགས་པོ་བཏང་ཞིང་རྐྱེན་ལམ་དུ་ཤོར་བ་དག་ལ་སེམས་ཁོང་ནས་མྱ་ངན་ཞུས་པར་མ་ཟད་རྨས་ཕོག་མཁན་དང་རྐྱེན་ལམ་དུ་ཤོར་བའི་ཁྱིམ་མི་དག་ལ་ལྷག་སེམས་རྣམ་དག་གིས་སེམས་གསོའི་འཚམས་འདྲི་ཞུས། 
    ཞི་ཅིན་ཕིང་གིས་སེམས་གསོའི་གློག་འཕྲིན་ནང་འཇིགས་སྐུལ་རིང་ལུགས་ནི་མིའི་རིགས་ཀྱི་དགྲ་བོ་དང་རྒྱལ་སྤྱིའི་སྤྱི་ཚོགས་ཐུན་མོང་གིས་ཁ་གཏོད་པའི་འཇིགས་སྐུལ་རེད། ཀྲུང་གོའི་ཕྱོགས་ནས་བྷེམ་ཇམ་དང་མཉམ་དུ་བདེ་འཇགས་དང་འཇིགས་སྐུལ་ལ་རྒོལ་བའི་མཉམ་འབྲེལ་ལ་ཤུགས་སྣོན་བྱེད་པ་དང་མཉམ་དུ་རྒྱལ་སྤྱིའི་སྤྱི་ཚོགས་ཀྱི་མཐུན་སྒྲིལ་དང་དཔེ་སྟོན་ལེགས་བཅོས་ལ་སྐུལ་འདེད་གཏང་སྟེ་རྣམ་པ་གང་རུང་གི་འཇིགས་སྐུལ་རིང་ལུགས་ལ་ངོ་རྒོལ་བྱས་ནས་ཀྲུང་གོ་དང་བྷེམ་ཇམ་རྒྱལ་ཁབ་གཉིས་དང་འཛམ་གླིང་གི་ཞི་བདེ་བརྟན་བརླིང་ལ་འགན་སྲུང་བྱ་འདོད་ཅེས་བསྟན།།