ཉེ་ཆར། གསར་འགོད་པས་ལྕགས་ཟམ་རྫོང་སྐབས་བཅུ་དྲུག་པའི་འཐུས་མི་ཚོགས་ཆེན་ཐེངས་ལྔ་པའི་སྟེང་རྒྱུས་ལོན་བྱུང་བ་ལྟར་ན། 2016ལོར། ལྕགས་ཟམ་རྫོང་གིས་བྱ་ཐབས་སྣ་མང་སྤྱད་དེ་ནུས་ཤུགས་ཡོད་རྒུས་གྲོང་སྡེ་དབུལ་པོ་15དབུལ་ཕོངས་ལས་ཐར་བ་དང་དབུལ་ཕོངས་མི་གྲངས་2929ཡི་གནད་སྨིན་དབུལ་གྲོལ་ལས་འགན་ལེགས་འགྲུབ་བྱ་རྒྱུ་ཁག་ཐེག་བྱས།
       རྒྱུས་ལོན་བྱུང་བ་ལྟར་ན། ལྕགས་ཟམ་རྫོང་གིས་སྲོག་ཤིང་གཅིག་དང་། གནད་འགག་གཉིས། གཙོ་གནད་གསུམ་ཞེས་པའི་འཕེལ་རྒྱས་ཀྱི་བསམ་བློ་ལྟར།　བརྟན་ཐོག་ཡར་བརྩོན་གྱི་རྩ་བའི་དགོངས་གཞི་རྒྱུན་འཁྱོངས་བྱས་ཏེ་སྟོབས་ཤུགས་ཆེན་པོས་སྔོན་ལ་དབུལ་སྒྲོལ་དང་མཉམ་དུ་འབྱོར་འབྲིང་ཕྱོགས་སུ་བསྐྱོད་པའི་འཕེལ་རིམ་གྱི་སྤྱིའི་བླང་བྱ་ལ་སྐུལ་འདེད་གཏང་བ། གནད་སྨིན་དྲུག་གི་བླང་བྱ་ལག་བསྟར་ནན་མོ་བྱས་ནས། ལོ་ལྔའི་འཆར་གཞི་བཅུ་གསུམ་པའི་དབུལ་སྒྲོལ་འགག་སྒྲོལ་གྱི་འཆར་འགོད་ལེགས་སྒྲིག་དང་ཁག་གཅིག་ལྔ་ཡི་དབུལ་སྒྲོལ་བྱ་འགུལ་གྱི་འཆར་གཞི་དང་ཆེད་དོན་དབུལ་སྐྱོར་ཇུས་གཞི་ཁག་10ཡི་ལོ་འཁོར་འཆར་གཞི་གཏན་འབེབ་ལག་བསྟར་བྱས་པ་དང་དངུལ་རྩའི་དབུལ་སྐྱོར་འཆར་འགོད་བཏོན། ཆེད་དོན་ཇུས་གཞི་ཁག་10ཞིབ་ཚགས་སུ་བཏང་ནས་ནུས་ཤུགས་ཡོད་རྒུས་ལོ་འདིའི་ནང་དབུལ་ཕོངས་གྲོང་སྡེ་15དབུལ་ཕོངས་ལས་ཐར་བ་དང་དབུལ་ཕོངས་མི་གྲངས་2929ཡི་གནད་སྨིན་དབུལ་སྒྲོལ་གྱི་ལས་འགན་ལེགས་འགྲུབ་ཡོང་བར་ཁག་ཐེག་བྱ་དགོས།།