ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དང་བལ་བོ་གཉིས་ཀྱིས་མཉམ་འབྲེལ་གསལ་བསྒྲགས། 
        ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གི་གདན་ཞུས་ལྟར། བལ་བོའི་ཙུང་ལི་2016ལོའི་སྤྱི་ཟླ་3པའི་ཚེས་20ཉིན་ནས་ཚེས27ཉིན་བར་ཀྲུང་གོར་དངོས་གཞིའི་འཚམས་འདྲི་གནང་། པེ་ཅིང་གི་དངོས་གཞིའི་བྱེད་སྒོ་སྤེལ་རྗེས། ཨོ་ལི་ཙུང་ལི་པོ་ཨའོ་ཨེ་ཤེ་ཡའི་གླིང་སྟེགས་ཀྱི་2016ལོའི་ལོ་ཚོགས་ལ་ཞུགས་རྒྱུ་ཡིན་པ་མ་ཟད། ཧྲན་ཤིས་ཤིས་ཨན་དང་སི་ཁྲོན་ཁྲེན་ཏུའུ་རུ་འཚམས་འདྲི་ཕེབས་རྒྱུ་རེད། 
     ཀྲུང་གོའི་ཕྱོགས་ནས་བལ་བོས་ཀོང་ཀྲུའུ་ནས་གཞུང་ཚབ་ཁང་བཙུགས་རྒྱུར་ཐད་པ་བྱུང་ཡོད་ལ། བལ་བོས་ཁྲེན་ཏུའུ་ནས་གཞུང་ཚབ་ཁང་བཙུགས་རྒྱུའི་རེ་བ་ལ་ཞིབ་འཇུག་ནན་ཏན་བྱེད་རྒྱུར་འཐད་པ་བྱུང་།  ཕྱོགས་གཉིས་ཀྱིས་སི་ཁྲོན་ཁྲེན་ཏུའུ་གྲོང་ཁྱེར་དང་བལ་བོའི་ཀ་ཏ་མན་ཏུ་གྲོང་ཁྱེར། མཚོ་སྔོན་ཞིང་ཆེན་ཡུལ་ཤུལ་ཁུལ་དང་བལ་བོའི་པོ་ལ་ཁེ་ལ་གྲོང་ཁྱེར། བོད་རང་སྐྱོང་ལྗོངས་ལྷོ་ཁ་ས་ཁུལ་དང་བལ་བོའི་པ་ཏུའུ་ཀང་གྲོང་ཁྱེར་བཅས་ཀྱི་བར་ལ་མཛའ་གྲོགས་གྲོང་ཁྱེར་གྱི་འབྲེལ་བ་བཙུགས་པ་ལ་དགའ་བསུ་ཞུས་ཡོད། ཀྲུང་གོའི་ཕྱོགས་ནས་བོད་ལྗོངས་དང་སི་ཁྲོན། ཡོན་ནན། མཚོ་སྔོན་སོགས་ཞིང་ཆེན་དང་ས་ཁུལ་གྱིས་བལ་བོའི་ཕྱོགས་ལ་མཉམ་འབྲེལ་བྱ་རྒྱུ་ལ་སྐུལ་མ་བཏང་།།