2016ལོའི་པོ་ཨོ་ཨེ་ཤ་ཡའི་གླེང་སྟེགས་ཀྱི་ལོ་ཚོགས་ཟླ་3པའི་ཚེས་25ཉིན་《ཆོས་ལུགས་གཙོ་འཛིན་གྱི་བགྲོ་གླེང་།》གི་ཡན་ལག་གླེང་སྟེགས་འཚོགས་ཤིང་རྒྱལ་ཡོངས་སྲིད་གྲོས་ཀྱི་རྒྱུན་ལས་ཨུ་ཡོན། ཀྲུང་གོའི་ཆོས་ལུགས་མཐུན་ཚོགས་ཀྱི་ཚོགས་གཙོ་གཞོན་པ་པཎ་ཆེན་སྐུ་ཕྲེང་བཅུ་གཅིག་པ་ཐེངས་འདིའི་གྲོས་ཚོགས་སུ་ཞུགས། 

ཐེངས་འདིའི་ཡན་ལག་གླེང་སྟེགས་སུ་བོད་བརྒྱུད་ནང་བསྟན་དང་ལྷོ་བརྒྱུད་ནང་བསྟན། ནང་ལོག་གི་ནང་བསྟན་ཆོས་ལུགས་བཅས་ཀྱི་གཙོ་འཛིན་ཏེ་པཎ་ཆེན་སྐུ་ཕྲེང་བཅུ་གཅིག་པ་དང་། ཁམ་བྷོ་དི་ཡའི་ནང་བསྟན་ཆོས་ལུགས་པ་པུ་ཀུ་ལི། ཞང་ཀང་པའོ་ལེའན་ཁྲན་དགོན་པའི་མཁན་པོ་ཅིང་ཡིན་བཅས་གྲོས་ཚོགས་སུ་ཞུགས།།