ཁྲིམས་འཛམ་གྲོང་སྡེའི་དབུལ་སྐྱོར།
ཚེ་བརྟན་སྒྲོལ་མས་བསྒྱུར། རྩོམ་སྒྲིག་པ།ཚེ་བརྟན་སྒྲོལ་མ།ཡོང་ཁུངས།སི་ཁྲོན་གསར་འགྱུར་དྲ་བ། སྤེལ་དུས། 03-28
ཏང་གི་ཚོགས་ཆེན་བཅོ་བརྒྱད་ཀྱི་རྗེས་སུ། ཞི་ཅིན་ཕིང་གཙོ་བྱས་པའི་སྐབས་གསར་པའི་ཀྲུང་དབྱང་གི་འགོ་ཁྲིད་ཚོགས་པས་དམིགས་འབེན་དང་འཆར་གཞི་གསར་པ་གཏན་འཁེལ་བྱས་ཡོད། 2020ལོར་རང་རྒྱལ་དུ་ཁྱོན་ཡོངས་ནས་འབྱོར་འབྲིང་སྤྱི་ཚོགས་མངོན་འགྱུར་བྱུང་དགོས་པ་རེད། འདིས་རྒྱལ་ཡོངས་མི་རིགས་ཁག་གི་མི་དམངས་ཀྱིས་འབྱུང་འགྱུར་ལོ་བཅོ་ལྔའི་ནང་དུ་དབུལ་གྲོལ་འགག་སྒྲོལ་གྱི་ལས་ཀ་འབད་པས་བསྒྲུབ་དགོས་པ་མཚོན། ཁྱད་པར་དུ་མི་རིགས་ས་ཁུལ་གྱི་རྨང་གཞིའི་སྒྲིག་བཀོད་ཅུང་རྗེས་ལུས་ཡིན་པ་དང་། རང་བྱུང་གི་ཆ་རྐྱེན་དེ་བས་ཀྱང་ཞན་པས། ཅི་ལྟར་དབུལ་སྒྲོལ་བྱེད་དགོས་པ་ནི་རིམ་པ་ཁག་གི་ཏང་ཨུ་དང་སྲིད་གཞུང་གི་མདུན་དུ་ལྷགས་པའི་གནད་དོན་ཞིག་ཡིན། སི་ཁྲོན་ནི་རྒྱལ་ཡོངས་དང་བསྡུར་ན། དབུལ་ཕྱུག་གི་ཧེ་བག་ཧ་ཅང་ཆེན་པོ་ཡོད་པས། དབུལ་སྒྲོལ་འགག་སྒྲོལ་གྱི་ལས་ཀར་རྒྱལ་ཁ་ལེན་དགོས་ན། བརྩེ་སེམས་ཟབ་མོ་བཅངས་པ་དང་བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བའི་མི་དགོས་པ་རེད། དེ་ཡང་དཀར་མཛེས་བོད་རིགས་རང་སྐྱོང་ཁུལ་ཉག་ཆུ་རྫོང་མིག་ནོར་ཡུལ་ཤོག་གི་ཁྲིམས་འཛམ་གྲོང་སྡེ་ལ་བོད་སྐྱོར་ལས་བྱེད་པ་གཉིས་ཐོན་ཡོད་པ་དང་། ཉག་ཆུ་རྫོང་མིག་ནོར་ཡུལ་ཤོག་གི་ཁྲིམས་འཛམ་གྲོང་སྡེ་ནི་བོད་ཁུལ་གྱི་དཔེ་མཚོན་ཅན་གྱི་དབུལ་བོའི་གྲོང་སྡེ་ཞིག་ཡིན། རུས་མིང་ཁྲིན་ཡིན་པའི་དབུལ་སྐྱོར་སྤུན་ཟླ་གཉིས་ས་ཆ་དེར་ཡོང་བ་ནས་བཟུང་། ས་གནས་དེའི་མི་དམངས་རྣམས་རིམ་བཞིན་དབུལ་ཕོངས་ལ་ཁ་གྱེས་པ་རེད།
གྲོང་སྡེའི་རྗེས་ལུས་ཀྱི་རྣམ་པ་དེ་མཐོང་རྗེས། ཁོང་གཉིས་ཀྱིས་2017ལོར་དབུལ་ཕོངས་ལས་ཐར་དུ་འཇུག་དགོས་པའི་དམ་བཅའ་བཞག ངོ་མཚར་བའི་དབུལ་སྒྲོལ་གྱི་འགྱུར་ལྡོག་རེ་རེར་ཡུལ་མི་ཚོས་གཟེངས་བསྟོད་ཐོབ་པ་རེད།།
