སྤྱི་ཟླ་3པའི་ཚེས་31ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཝ་ཧྲིན་ཐོན་དུ་ལྷོ་ཁོ་རི་ཡའི་སྲིད་འཛིན་ཕིའོ་ཅིང་ཧུའེ་དང་མཇལ་ཕྲད་གནང་ཞིང་། ཕྱོགས་གཉིས་ཀའི་འབྲེལ་བ་དང་ཕྱོགས་གཉིས་ཀའི་དོ་ཁུར་བྱ་ཡུལ་གྱི་གལ་ཆེ་བའི་རྒྱལ་སྤྱིི་དང་ས་ཁུལ་གནད་དོན་ཐད་བསམ་འཆར་སྤེལ་རེས་བྱས།
ཞི་ཅིན་ཕིང་གིས་བསྟན་དོན། ཀྲུང་གོས་ཕྱོགས་གཉིས་ཀྱི་འབྲེལ་བ་ལ་བརྩི་མཐོང་ཆེན་པོ་ཡོད་དེ་ནམ་ཡང་ལྷོ་ཁོ་རི་ཡ་དང་འབྲེལ་བ་གོང་འཕེལ་གཏང་རྒྱུ་མཐའ་མཚམས་ཕྱི་འབྲེལ་གྱི་གོ་གནས་གལ་ཆེན་དུ་བཞག་ཡོད། ཀྲུང་ཕྱོགས་ཀྱིས་ལྷོ་ཁོ་རི་ཡ་དང་་མཉམ་དུ་ཕྱོགས་སོ་སོའི་ཁྱབ་ཁོངས་ཀྱི་མཉམ་ལས་སྤེལ་རེས་ཟབ་སྤེལ་བྱས་ཏེ་རྒྱལ་ཁབ་གཉིས་ཀྱི་འབྲེལ་བ་བདེ་ཐང་བརྟན་བརླིང་གིས་འཕེལ་རྒྱས་འགྲོ་བར་ཁག་ཐེག་བྱའོ།།
