སྤྱི་ཟླ་4པའི་ཚེས་5ཉིན།  རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་པེ་ཅིན་མི་དམངས་ཚོགས་ཁང་ཆེན་མོའི་ནང་དབྱིན་ཇིའི་ཡོ་ཁིའི་མཚན་ཐོབ་རྒྱལ་སྲས་ཨན་ཏི་ལོའོ་དང་མཇལ་འཕྲད་གནང་།
    ཞི་ཅིན་ཕིང་གིས་ད་ལོ་ནི་ཀྲུང་གོ་དང་དབྱིན་ཇིའི་འབྲེལ་བའི་དར་རྒྱས་དུས་རབས་འགོ་བརྩམས་པའི་ལོ་ཡིན་ལ། ང་ཚོས་དབྱིན་ཇིའི་ཕྱོགས་དང་མཉམ་དུ་འབད་པ་ཆེན་པོས་རྒྱལ་ཁབ་གཉིས་ཀྱི་རིམ་པ་སོ་སོའི་མཛའ་མཐུན་འགྲོ་འོང་གོང་འཕེལ་དུ་བཏང་ནས་རྒྱལ་ཁབ་གཉིས་ཀྱི་ཁྱབ་ཁོངས་སོ་སོའི་མཉམ་འབྲེལ་གྱི་ནང་དོན་ཕུན་སུམ་ཇེ་ཚོགས་སུ་གཏང་འདོད། ཀྲུང་གོ་དང་དབྱིན་ཇི་གཉིས་ཀྱི་གོམ་གང་མདུན་སྤོས་སྒོས་མཐོ་རིམ་འབྲེལ་བ་གཏིང་ཟབ་ཏུ་སྤེལ་ནས་མཉམ་དུ་ཕྱོགས་གཉིས་ཀྱི་ལམ་ལུགས་རང་བཞིན་གྱི་གྲོས་མོལ་ལེགས་པར་བསྒྲུབ་པ་དང་རྒྱུན་ཆད་མེད་པར་དངོས་དོན་མཉམ་འབྲེལ་གཏིང་ཟབ་ཏུ་སྤེལ་ནས་རྒྱལ་ཁབ་གཉིས་ཀྱི་མི་དམངས་ལ་སྔར་ལས་ལེགས་པའི་བདེ་སྐྱིད་བསྐྲུན་དགོས། ཀྲུང་གོ་དང་དབྱིན་ཇི་གཉིས་ནི་ཤེས་རིག་ལྡན་པའི་གནའ་བོའི་རྒྱལ་ཁབ་དང་རིག་གནས་ཀྱི་རྒྱལ་ཁབ་ཆེན་པོ་གཉིས་ཡིན་པས། ཕྱོགས་གཉིས་ཀྱི་མུ་མཐུད་དུ་མི་ཆོས་ཁྱབ་ཁོངས་ཀྱི་བརྗེ་རེས་དང་མཉམ་འབྲེལ་ལ་ཤུགས་སྣོན་བྱ་དགོས། ངས་དབྱིན་ཇིའི་རྒྱལ་རྒྱུད་ཀྱིས་མུ་མཐུད་དུ་ཀྲུང་གོ་དང་དབྱིན་ཇིའི་གཉིས་ཀྱི་མི་དམངས་ཕན་ཚུན་གྱི་རྒྱུས་ལོན་དང་མཛའ་བརྩེའི་གོང་འཕེལ་ལ་ཕན་ནུས་ཆེན་པོ་བཏོན་ནས་ཀྲུང་གོ་དང་དབྱིན་ཇིའི་འབྲེལ་བའི་རྒྱུན་མཐུད་འཕེལ་རྒྱས་ལ་དམངས་སེམས་ཀྱི་རྨང་གཞི་བརྟན་པོ་ཞིག་འཇོག་པར་རེ་བ་ཡོད་ཅེས་བསྟན། 
    ཨན་ཏི་ལོའོ་ཡིས་དབྱིན་ཇིའི་ཕྱོགས་ཀྱིས་ཀྲུང་གོ་བར་གྱི་འགྲོ་འོང་གཏིང་ཟབ་ཏུ་སྤེལ་ནས་རྒྱུན་ཆད་མེད་པར་མི་ཆོས་བརྗེ་རེས་ལ་སྐུལ་འདེད་བཏང་སྟེ་རྒྱལ་ཁབ་གཉིས་ཀྱི་མི་དམངས་ཕན་ཚུན་གྱི་རྒྱུས་ལོན་གོང་འཕེལ་དུ་གཏང་འདོད་པར་མ་ཟད། ཕྱོགས་གཉིས་ཀྱི་དངོས་དོན་མཉམ་འབྲེལ་ལ་ཤུགས་སྣོན་བྱས་ཏེ་དབྱིན་ཇི་དང་ཀྲུང་གོའི་འབྲེལ་བ་སྔར་ལས་ལེགས་པར་འཕེལ་རྒྱས་སུ་ཕྱིན་པར་འབད་བརྩོན་བྱ་འདོད་ཅེས་བསྟན།།