སྤྱི་ཟླ་4པའི་ཚེས་5ཉིན། ཏང་དང་རྒྱལ་ཁབ་ཀྱི་འགོ་ཁྲིད་ཞི་ཅིན་ཕིང་དང་ལི་ཁེ་ཆང་། ཀྲང་ཏེ་ཅང་། ཡུས་ཀྲེན་ཧྲེང་།  ལིའུ་ཡུན་ཧྲན། ཝང་ཆི་ཧྲན། ཀྲང་ཀའོ་ལི་སོགས་རྒྱལ་སའི་འོས་འགན་སྒོར་ཞུགས། 
    ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་ཞི་ཅིན་ཕིང་རྒྱལ་སའི་འོས་འགན་སྡོང་འཛུགས་བྱེད་སྒོར་འཛུགས་བྱེད་སྒོར་ཞུགས་སྐབས་ཁོང་གིས་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་དེ་ཀྲུང་ཧྭའི་བུ་དང་བུ་མོ་ཡོངས་ཀྱིས་ཐུན་མོང་གི་འབད་པ་ལ་བརྟེན་དགོས། ལོ་ལྔའི་འཆར་གཞི་བཅུ་གསུམ་པའི་དུས་སྐབས་ནི་འབྱོར་འབྲིང་སྤྱི་ཚོགས་ཁྱོན་ཡོངས་ནས་འགྲུབ་པར་བྱེད་པ་དང་སྐྱེས་ཁམས་དཔལ་ཡོན་འཛུགས་སྐྲུན་བྱེད་པའི་གནད་འགག་གི་དུས་སྐབས་ཤིག་རེད། ནགས་ལས་འཕེལ་རྒྱས་ནི་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་ནང་དོན་གལ་ཆེན་ཞིག་དང་སྐྱེས་ཁམས་དཔལ་ཡོན་འཛུགས་སྐྲུན་གྱི་བྱེད་ཐབས་གལ་ཆེན་ཞིག་ཀྱང་ཡིན། རིམ་པ་སོ་སོའི་འགོ་ཁྲིད་ལས་བྱེད་པས་སྣེ་ཁྲིད་དེ་འོས་འགན་སྡོང་འཛུགས་བྱེད་སྒོར་ཟབ་ཞུགས་དང་སྤྱི་ཚོགས་ཡོངས་ལ་འཕེལ་རྒྱས་གསར་པའི་འདུ་ཤེས་དྲིལ་སྒྲོག་བྱེད་པ། སྔོན་རབས་པས་སྡོང་འཛུགས་ལས་དོན་གྱིས་རྗེས་རབས་པར་བདེ་སྐྱིད་བསྐྲུན་པའི་སྙིང་སྟོབས་དར་སྤེལ་བྱས་ཏེ་སྡོང་བོ་མང་པོ་འཛུགས་པ་དང་སྤུས་ལེགས་སྡོང་བོ་འཛུགས་པ། སྡོང་བོར་དོ་དམ་ལེགས་པོ་བྱས་ནས་རི་ལུང་ཐང་གསུམ་སྔོ་ལྗང་དུ་བསྒྱུར་བ་དང་མི་དམངས་མང་ཚོགས་ཀྱི་འཚོ་བའི་ཁོར་ཡུག་ལེགས་སྒྱུར་བྱ་དགོས་ཞེས་བསྟན།།