སྤྱི་ཟླ་4པའི་ཚེས་6ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་གྲོས་ཚོགས་ལ་གཙོ་སྐྱོང་མཛད། གྲོས་ཚོགས་སྟེང་《སྒྲིག་ཆས་བཟོ་སྐྲུན་ལས་རིགས་ཚད་ལྡན་ཅན་དུ་བསྒྱུར་བ་དང་རྒྱུ་སྤུས་མཐོར་འདེགས་གཏང་བའི་འཆར་འགོད།》ལག་བསྟར་བྱས་ཏེ་ཀྲུང་གོའི་བཟོ་སྐྲུན་རིམ་འཕར་ལ་སྣེ་ཁྲིད་བྱེད་པར་ཐག་གཅོད་བྱས་པ་དང་། མཉམ་སྦྲེལ་དྲ་བ་+འཁོར་རྒྱུག་འགུལ་སྐྱོད་ལ་སྐུལ་འདེད་བཏང་ནས་མ་རྩ་ཇེ་དམའ་རུ་གཏང་བ་དང་ནང་མཁོའི་ལས་ཞུགས་རྒྱ་སྐྱེད་པར་བཀོད་སྒྲིག་བྱས་པར་མ་ཟད། 2016ལོའི་སྨན་བཅོས་འཕྲོད་བསྟེན་ལམ་ལུགས་ཀྱི་བཅོས་བསྒྱུར་གཏིང་ཟབ་ཏུ་སྤེལ་བའི་གཙོ་གནད་གཏན་འཁེལ་བྱས་ནས་སྨན་བཅོས་བཅོས་བསྒྱུར་གྱིས་སྔར་ལས་མང་བའི་མི་དམངས་མང་ཚོགས་ལ་ཁེ་ཕན་བསྐྲུན་པ་དགོས་ཞེས་བསྟན།།