སྤྱི་ཟླ་4པའི་ཚེས་8ཉིན་གྱི་ཕྱི་དྲོར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆིང་གིས་ཀྲུང་ནན་ཧེ་རུ་ཀྲུང་གོར་སྐོར་གཉིས་པའི་ཀྲུང་གོ་དང་འཇར་མན་གྱི་ཕྱི་འབྲེལ་དང་བདེ་འཇགས་འཐབ་ཇུས་གླེང་མོལ་གྲོས་ཚོགས་སུ་ཕེབས་པའི་འཇར་མན་གྱི་ཕྱི་འབྲེལ་པུའུ་ཀྲང་སི་ཐེན་མེར་དང་མཇལ་ཕྲད་གནང་། 

            ལི་ཁེ་ཆིང་གིས་བསྟན་དོན། ཀྲུང་ཕྱོགས་ཀྱིས་ཀྲུང་གོ་དང་འཇར་མན་གྱི་འབྲེལ་བར་བརྩི་མཐོང་ཆེན་པོ་བྱེད་བཞིན་ཡོད་པ་དང་འཇར་མན་དང་མཉམ་དུ་བརྗེ་རེས་དང་མཉམ་ལས་དམ་ཟབ་རུ་བཏང་ནས་མཐུན་སྒྲིལ་བརྟན་བརླིང་དང་འབྱོར་ཕྱུག་ལྡན་པའི་ཡོ་རོབ་གླིང་བསྐྲུན་བ། ཀྲུང་གོ་དང་འཇར་མན་གྱི་སྐོར་བཞི་པའི་སྲིད་གཞུང་གྲོས་མོལ་དེ་ད་ལོར་ཀྲུང་གོར་བསྡུ་རྒྱུ་ཡིན་ཏེ། ཕྱོགས་གཉིས་ཀྱིས་2025ལོའི་ཀྲུང་གོས་བཟོ་བསྐྲུན་དང་འཇར་མན་གྱི་བཟོ་ལས་4.0སྦྲེལ་མཐུད་ལ་སྐུལ་འདེད་བྱས་ཏེ། མྱུར་བགྲོད་ལྕགས་ལམ་སོགས་ཁྱབ་ཁོངས་ཀྱི་ཁྲོམ་ར་གསུམ་པའི་མཉམ་ལས་གོང་འཕེལ་ལ་སྐུལ་འདེད་དང་ཀྲུང་གོ་དང་འཇར་རྒྱལ་ཁབ་གཉིས་ཀྱི་དཔལ་འབྱོར་འཕར་ཚད་ཇེ་མགྱོགས་སུ་བཏང་ནས་ས་ཁུལ་དང་འཛམ་གླིང་གི་བརྟན་བརླིང་དང་འཕེལ་རྒྱས། འབྱོར་ཕྱུག་ལ་ཤུགས་སྣོན་བྱེད་པའི་རེ་བ་ཡོད་ཅེས་བསྟན།།