2016ལོའི་ཟླ་4པའི་ཚེས་9ཉིན། ཀོང་ཞི་ཞིང་ཆེན་ཀུའེ་ལིན་གྲོང་ཁྱེར་གྱི་ཧོང་ལུའོ་ཡའོ་སྡེ་བར་ཡའོ་རིགས་སྤུན་ཟླ་རྣམས་ཀྱིས་རྒྱན་གོས་ཀླུབས་ཏེ་སྐྲ་རིང་དུས་ཆེན་ལ་རོལ་བཞིན་འདུག 

               2016ལོའི་ཟླ་4པའི་ཚེས་9ཉིན་དེ་ལུགས་རྙིང་གི་ཟླ་3པའི་ཚེས་3ཉིན། ཀོང་ཞི་ཞིང་ཆེན་ཀུའེ་ལིན་གྲོང་ཁྱེར་ལུང་ཧྲེང་རིགས་སོ་སོའི་རང་སྐྱོང་རྫོང་ལུང་ཅི་གྲོང་རྡལ་ཧོང་ལུའོ་ཡའོ་སྡེ་བས་སྐབས་དང་པོའི་སྐྲ་རིང་དུས་ཆེན་གྱི་མཛད་སྒོ་སྤེལ། ཡའོ་རིགས་སྤུན་ཟླ་རྣམས་ཀྱིས་རྒྱན་གོས་ཀླུབས་ཏེ་སྐྲ་རིང་ཞབས་བྲོའི་འཁྲབ་སྟོན་བྱས་པ་དང་། ཡའོ་རིགས་གཞོན་ནུ་མའི་དར་མའི་གུས་ལུགས་འགྲེམ་སྟོན་དང་ལ་གཞས་བླངས་ནས་དུས་ཆེན་ལ་རྟེན་འབྲེལ་ཞུས། 

                ལུང་ཧྲེང་སྐས་ཞིང་གི་འདབས་ངོགས་སུ་གནས་པའི་ཧོང་ལུའོ་ཡའོ་སྡེ་བ་ནི་ཡའོ་རིགས་ཀྱི་མ་ལག་ཅིག་ཡིན་ཞིང་ཡུལ་མི་300ལྷག་ཡོད། དེའི་ཁྲོད་དུ་ཡུལ་མི་80ལྷག་གི་སྐྲའི་རིང་ཚད་སྨི་ལ་1.4ལྷག་དང་ཆེས་རིང་བར་སྨི་2.3ལ་ཡོད།།