སྤྱི་ཟླ་4པའི་ཚེས་27ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་གྲོས་ཚོགས་བསྡུས་ཏེ། དབུས་རྒྱུད་དང་ནུབ་རྒྱུད་ས་ཁུལ་གྱི་སློབ་གསོ་འཕེལ་རྒྱས་མགྱོགས་སུ་གཏོང་བ་དང་ཞན་ཆ་ཁ་གསབ་ཀྱི་དཀོད་སྒྲིག་བྱས། འཕེལ་རྒྱས་ཀྱི་རྨང་གཞི་སྲ་བརྟན་བྱས་ཏེ་སྤྱི་ཚོགས་དྲང་བཞག་ལ་སྐུལ་འདེད་གཏང་དགོས་པ་དང་། རིག་དངོས་ལས་ཁུངས་དང་རིག་གནས་གསར་གཏོད་ཐོན་རྫས་ཀྱི་བྱ་ཐབས་སྐུལ་འདེད་བྱེད་པ་གཏན་འབེབས་བྱས་ཏེ་སྤྱི་ཚོགས་ཀྱི་ཤེས་ཡོན་ཆུ་ཚད་དང་རྒྱལ་ཁབ་ཀྱི་ནང་རྐྱེན་སྟོབས་ཤུགས་མཐོར་འདེགས་གཏང་དགོས་ཞེས་བསྟན། ཚོགས་འདུའི་སྟེང་《ཞིང་ལས་ཆུ་བེད་སྲོལ་ཡིག （ འཆར་ཟིན།） 》གྲོས་འཆམ་བྱུང་།།