སི་ཁྲོན་ཞིང་ཨུས་རྒྱུན་ལས་ཨུ་ལྷན་གྱི་ཚོགས་འདུ་འཚོགས།

    རྒྱལ་ཡོངས་ཆོས་ལུགས་ལས་ཀའི་ཚོགས་འདུ་དང་ཙུང་ལི་ལི་ཁེ་ཆིང་གིས་སི་ཁྲོན་དུ་རྟོག་ཞིབ་གནང་སྐབས་ཀྱི་གལ་ཆེའི་མཛུབ་སྟོན་དགོངས་དོན་སོགས་བརྒྱུད་བསྒྲགས་དང་སློབ་སྦྱོང་བྱས།

    སྤྱི་ཟླ་4པའི་ཚེས་27ཉིན་གྱི་ཕྱི་དྲོར། ཞིང་ཆེན་ཏང་ཨུའི་ཧྲུའུ་ཅི་ཝང་ཏུང་མིང་གིས་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་གཙོ་སྐྱོང་གནང་སྟེ། རྒྱལ་ཡོངས་ཆོས་ལུགས་ལས་ཀའི་ཚོགས་འདུའི་དགོངས་དོན་དང་། ཙུང་ལི་ལི་ཁེ་ཆིང་གིས་སི་ཁྲོན་དུ་རྟོག་ཞིབ་བརྟག་དཔྱད་གནང་སྐབས་ཀྱི་མཛུབ་སྟོན་གལ་ཆེན་གྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་། རང་རེའི་ཞིང་ཆེན་གྱི་ལག་བསྟར་དོན་འཁྱོལ་བསམ་འཆར་ལ་ཞིབ་འཇུག་བྱས། 2016ལོའི་རྒྱལ་ཕྱི་ནང་གི་མིང་དུ་གྲགས་པའི་ཁེ་ལས་སི་ཁྲོན་དུ་བསྐྱོད་པ་དང་དམག་དམངས་གཏིང་ཟབ་མཉམ་འདྲེས་འཕེལ་རྒྱས་ཀྱི་ཆེད་དོན་སྐུལ་འདེད་བྱེད་སྒོ། མེན་དབྱང་ཚན་རྩལ་གྲོང་འཛུགས་སྐྲུན་འཕེལ་རྒྱས་བཅས་ཀྱི་གནས་ཚུལ་སྙན་ཞུ་ལ་གསན་ཞིང་། གཞུང་དོན་གྱི་ཆེད་དུ་རང་སྲོག་བཏང་པའི་དབུལ་སྐྱོར་མི་སྣ་7ལ་གཟེངས་བསྟོད་དང་དྲིལ་བསྒྲགས་བྱ་རྒྱུའི་སྐོར་གྱི་འབྲེལ་ཡོད་ལས་ཀ་སོགས་ལ་ཞིབ་འཇུག་བྱས།
    ཚོགས་འདུའི་ཐོག་ད་དུང་བྱ་བ་གཞན་དག་ལའང་ཞིབ་འཇུག་བྱས།།