སྤྱི་ཟླ་4པའི་ཚེས་28ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་མི་དམངས་ཚོགས་ཁང་ཆེན་མོའི་ནང་ཨུ་རུ་སུའི་ཕྱི་འབྲེལ་འགན་འཛིན་པ་ལ་ཧྥོ་ལོ་ཧྥོ་དང་མཇལ་འཕྲད་གནང་།
    ཞི་ཅིན་ཕིང་གིས་ཐོག་མར་ལ་ཧྥོ་ལོ་ཧྥོ་ལ་ཁོང་གི་སྲིད་འཛིན་ཕུའུ་ཅིན་ལ་ལྷག་བསམ་རྣམ་དག་གིས་འཚམས་འདྲི་དང་སྨོན་འདུ་ཞུས་པ་བརྒྱུད་སྒྲོག་གནང་བའི་རེ་བ་ཞུས། ཅི་ཞིན་ཕིང་གིས་ཀྲུང་གོ་ཕྱོགས་ནས་སྲིད་འཛིན་ཕུའུ་ཅིན་དེ་ལོར་ཀྲུང་གོར་འཚམས་འདྲི་ཕེབས་པར་ཚད་མཐོ་བའི་མཐོང་ཆེན་བྱེད་བཞིན་ཡོད་ལ། ངས་སྲིད་འཛིན་ཕུའུ་ཅིན་དང་མཉམ་དུ་ཀྲུང་གོ་དང་ཨུ་རུ་སུའི་ཁྱོན་ཡོངས་ཀྱི་འཐབ་ཇུས་མཉམ་ལས་གྲོགས་པོའི་འབྲེལ་བར་སྔར་ལས་ཤུགས་སྣོན་བྱེད་པའི་ཐད་ནས་དགོངས་འཆར་བརྗེ་རེས་བྱེད་པར་རེ་སྒུག་བྱས་ཡོད། ཕྱོགས་གཉིས་ཀྱིས་《ཀྲུང་གོ་དང་ཨུ་རུ་སུའི་ཁྱིམ་མཚེས་མཛའ་མཐུན་ཉམས་ལས་ཆིངས་ཡིག》བཀོད་ནས་ལོ་འཁོར་15ལོན་པ་དང་། ཀྲུང་གོ་དང་ཨུ་རུ་སུའི་འཐབ་ཇུས་མཛའ་མཐུན་འབྲེལ་བ་བཙུགས་ནས་ལོ་འཁོར་20ལོན་པའི་གོ་སྐབས་དང་བསྟུན་ནས། ཀྲུང་གོ་དང་ཨུ་རུ་སུའི་མི་རབས་ནས་མི་རབས་བརྒྱུད་པའི་མཛའ་མཐུན་འདུ་ཤེས་དར་སྤེལ་དང་རྒྱལ་ཁབ་གཉིས་ཀྱི་འབྲེལ་བའི་ཆབ་སྲིད་དང་སྤྱི་ཚོགས་ཀྱི་དམངས་སེམས་རྨང་གཞི་སྲ་བརྟན་དུ་གཏང་དགོས་ཞེས་བསྟན།
　　ལ་ཧྥོ་ལོ་ཧྥོ་ཡིས་སྲིད་འཛིན་ཕུའུ་ཅིན་གྱིས་ཞི་ཅིན་ཕིང་ལ་ལྷག་བསམ་རྣམ་དག་གི་འཚམས་འདྲི་ཞུས་པ་བརྒྱུད་སྒྲོག་བྱས་ཤིང་། ཁོང་གིས་སྲིད་འཛིན་ཕུའུ་ཅིན་གྱི་ཀྲུང་གོར་འཚམས་འདྲི་བྱེད་པར་རེ་སྒུག་བྱེད་བཞིན་ཡོད་ལ། 《ཀྲུང་གོ་དང་ཨུ་རུ་སུའི་ཁྱིམ་མཚེས་མཛའ་མཐུན་ཉམས་ལས་ཆིངས་ཡིག》བཀོད་ནས་ལོ་འཁོར་15ལོན་པའི་སྐབས་འདིར་ཨུ་རུ་སུ་ཕྱོགས་ཀྱིས་ཀྲུང་གོ་དང་མཉམ་དུ་ཨུ་རུ་སུ་དང་ཀྲུང་གོའི་ཁྱོན་ཡོངས་འཐབ་ཇུས་མཛའ་མཐུན་འབྲེལ་བ་གཏིང་ཟབ་ཏུ་སྤེལ་ནས་གོམ་གང་མདུན་སྤོས་སྒོས་ཨུ་རུ་སུ་དང་ཀྲུང་གོའི་མཐོ་རིམ་འགྲོ་འོང་དམ་ཟབ་བྱེད་པ་དང་། དེ་མིན་དཔལ་འབྱོར་དང་མི་ཆོས་སོགས་ཁྱབ་ཁོངས་ཀྱི་མཉམ་ལས་གཏིང་ཟབ་ཏུ་སྤེལ་ནས་འབྲེལ་ཡོད་ལས་གཞི་ལག་བསྟར་དང་རྒྱལ་ཁབ་གཉིས་ཀྱི་རྒྱལ་སྤྱིའི་དང་ས་གནས་ཀྱི་ལས་དོན། རྒྱལ་འབྲེལ་རྒྱལ་ཚོགས་དང་ཧྲང་ཧེ་མཉམ་ལས་རྩ་འཛུགས་བཅས་སྣ་མང་སྡེ་ཁག་ཁྲོད་ཀྱི་མཐུན་སྦྱོར་མཉམ་ལས་ལ་སྐུལ་འདེད་གཏང་འདོད་ཅེས་བསྟན།།