སྤྱི་ཟླ་5པའི་ཚེས་4ཉིན། ཀྲུང་གོ་དང་ཡོ་རོབ་དབུས་ཤར་རྒྱལ་ཁབ་ཀྱི་ཆེས་མཐོ་བའི་ཁྲིམས་ཁང་གི་ཁྲིམས་དཔོན་གྲོས་ཚོགས་དེ་ཅང་སུའུ་སུའུ་ཀྲུའུ་རུ་ཚོགས་འགོ་བརྩམས། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་གྲོས་ཚོགས་འཚོགས་པར་རྟེན་འབྲེལ་ཞུ་བའི་འཕྲིན་ཡིག་བསྐུར།

               ཞི་ཅིན་ཕིང་གིས་རྟེན་འབྲེལ་ཞུ་བའི་འཕྲིན་ཡིག་ནང་ཀྲུང་གོ་སྲིད་གཞུང་དང་མི་དམངས་ཀྱི་ཚབ་མཛད་དེ་གྲོས་ཚོགས་འཚོགས་པར་རྟེན་འབྲེལ་ཞུས་ཤིང་། གྲོས་ཚོགས་སུ་ཞུགས་པའི་རྒྱལ་ཁབ་སོ་སོའི་ཆེས་མཐོ་བའི་ཁྲིམས་ཁང་གི་སྐུ་མགྲོན་ལ་དགའ་བསུ་ཞུས། 

               ཞི་ཅིན་ཕིང་གིས་ཐེངས་འདིའི་གྲོས་ཚོགས་སུ་འཛམ་གླིང་ཆ་འཕྲིན་ཅན་གྱི་དུས་རབས་ཀྱི་ཁྲིམས་འཛིན་ཞེས་པའི་བརྗོད་གཞི་དང་། ཁྲིམས་འཛིན་བཅོས་བསྒྱུར་དང་ཁྲིམས་འཛིན་སྤྱི་བསྒྲགས་སོགས་ཀྱི་གནད་དོན་ཐད་ནས་བགྲོ་གླེང་བྱས་ཏེ། རྒྱལ་སྤྱིའི་ཁྲིམས་འཛིན་གྱི་བརྗེ་རེས་མཉམ་ལས་ལ་ཤུགས་སྣོན་དང་ཀྲུང་གོ་དང་ཡོ་རོབ་དབུས་ཤར་རྒྱལ་ཁབ་ཀྱི་མཉམ་ལས་སྔར་ལས་གཏིང་ཟབ་ཏུ་རྒྱ་བསྐྱེད་པར་དོན་སྙིང་གལ་ཆེན་ལྡན་ཞེས་བསྟན།།