སྤྱི་ཟླ་5པའི་ཚེས་3ཉིན། ཞིང་ཆེན་ལས་ཞུགས་ལས་གཏོད་ལས་ཀའི་མཉམ་འབྲེལ་གྲོས་ཚོགས་འཚོགས་ནས། ཐོན་ནུས་ལྷག་མ་ཐག་གཅོད་བྱེད་པ་དང་འཕེལ་མེད་སོར་གནས་ཁེ་ལས་ཁྲོད་ཀྱི་ལས་བཟོ་བ་བཀོད་སྒྲིག་ལས་ཀ་ཡག་པོ་བསྒྲུབ་པ་དང་། དབུལ་སྒྲོལ་འགག་སྒྲོལ་ཁྲོད་ཀྱི་ལས་ཞུགས་སྐུལ་འདེད་དམ་འཛིན་ཡག་པོ་བྱེད་དགོས་པ་སོགས་ཀྱི་གནད་དོན་ལ་བཀོད་སྒྲིག་གནང་། 
     དབུལ་སྒྲོལ་འགག་སྒྲོལ་ལས་ཞུགས་སྐུལ་སྤེལ་ཁྲོད། ད་ལོ་གཙོ་བོར་དཀའ་ངལ་ཡོད་པའི་ཁྱིམ་ཚང་གི་ལག་རྩལ་གསོ་སྦྱོང་དང་ལས་ཞུགས་སྐུལ་འདེད་གཏང་བའི་ཆེད་དམིགས་ཇུས་གཞི། 2016ལོའི་ལས་ཀའི་འཆར་གཞི་དོན་འཁྱོལ་སྐོར་དམ་འཛིན་ཡག་པོ་བྱ་དགོས། སྲིད་ཇུས་དང་མ་དངུལ་གྱི་རྒྱབ་སྐྱོར་བྱེད་ཤུགས་ཆེ་རུ་བཏང་ནས་ཤུགས་ཆེ་ངང་དབུལ་པོའི་ཁྱིམ་ཚང་དང་ལྷག་པར་དུ་དབུལ་པོ་རྫོང་ཁག་88ཀྱི་ཡིག་ཚགས་བཟོས་ཡོད་པའི་དབུལ་པོའི་དུད་ཚང་གི་རྩལ་ནུས་གསོ་སྦྱོང་དང་ལས་ཞུགས་སྐུལ་འདེད་ཡག་པོ་བསྒྲུབ་ཅིང་། གསོ་སྦྱོང་དང་ལས་ཞུགས་དབུལ་གྲོལ་གྱི་ཕན་ཡུན་རིང་བའི་སྒྲིག་སྲོལ་འཛུགས་དགོས།།