སྤྱི་ཟླ་5པའི་ཚེས་5ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་མི་དམངས་ཚོགས་ཁང་ཆེན་མོའི་ནང་ཨ་རི་དང་ཀྲུང་གོའི་ཉོ་ཚོང་རྒྱལ་ཡོངས་ཨུ་ཡོན་ལྷན་ཁང་གི་ཀྲུའུ་ཞི་གཞོན་དང་། ཨ་རིའི་ཧྭ་ཐི་ཏེ་ཧྲི་ཉི་སྤྱི་གཉེར་ཁང་གི་རྐང་འཛིན་འགོ་བའི་ཞོར་དུ་ལག་བསྟར་འགོ་བའི་འགན་ཁུར་བའི་ཨེ་ཀི་ལ་མཇལ་འཕྲད་གནང་།
ཞི་ཅིན་ཕིང་གིས་ཀྲུང་གོ་དང་ཨ་མེ་རི་ཁའི་རྒྱལ་ཁབ་གཉིས་ཀྱི་ཁེ་ཕན་སྔར་ལས་གཏིང་ཟབ་ཏུ་སྤེལ་བར་མཉམ་ལས་བྱ་དགོས་ཤིང་མཉམ་ལས་བྱ་ཆོག་པའི་ཁྱབ་ཁོངས་ཤིན་ཏུ་ཆེ་བ་རེད། ཀྲུང་གོ་དང་ཨ་མེ་རི་ཁའི་མཉམ་ལས་ཀྱིས་ཀྱང་དོན་ཆེན་བསྒྲུབ་ཆོག་པ་རེད། ཕྱོགས་གཉིས་ཀྱིས་ཆེ་ཕྱོགས་ལ་དམིགས་ཏེ་ཐུན་མོང་གི་ཁེ་ཕན་ལ་འགན་སྲུང་དང་རྒྱ་སྐྱེད། དངོས་དོན་མཉམ་ལས་གཏིང་ཟབ་ཏུ་སྤེལ་དགོས། ང་ཚོས་ཨ་མེ་རི་ཁ་དང་ཀྲུང་གོའི་ཉོ་ཚོང་རྒྱལ་ཡོངས་ཨུ་ཡོན་ལྷན་ཁང་དང་ཧྭ་ཐི་ཏེ་ཧྲི་ཉི་སྤྱི་གཉེར་ཁང་གིས་དུས་ཡུན་རིང་བོར་ཀྲུང་གོ་དང་ཨ་མེ་རི་ཁའི་འབྲེལ་བའི་འཕེལ་རྒྱས་ལ་སྐུལ་འདེད་བཏང་བར་བསྟོད་བསྔགས་བྱེད་བཞིན་ཡོད་ཅེས་བསྟན།
ཨེ་ཀི་ཡིས་དེང་གི་སྐབས་འདིར་ཨ་མེ་རི་ཁ་དང་ཀྲུང་གོ་རྒྱལ་ཁབ་གཉིས་ཀྱིས་མཉམ་ལས་དམ་པོ་བྱེད་པ་དང་ལྷག་པར་དུ་དཔལ་འབྱོར་ཉོ་ཚོང་མཉམ་ལས་ལ་ཤུགས་སྣོན་བྱ་རྒྱུ་ཧ་གལ་ཆེན་རེད། ང་ཚོས་ཨ་མེ་རི་ཁ་དང་ཀྲུང་གོས་སྔ་མོ་ནས་ཕྱོགས་གཉིས་ཀྱི་དངུལ་གཏོང་གྲོས་མོལ་ལ་གྲོས་འཆམ་བྱུང་སྟེ་རྒྱལ་ཁབ་གཉིས་ཀྱི་ཁེ་ལས་ཀྱིས་ཕན་ཚུན་ལ་བརྩི་འཇོག་དང་ཕྱོགས་གཉིས་ཀར་ཁེ་ཕན་བསྐྲུན་པའི་རྨང་གཞིའི་སྟེང་མཉམ་ལས་རྒྱ་སྐྱེད་པར་རྒྱབ་སྐྱོར་བྱེད་ངེས་ཡིན་ལ། ཏེ་ཧྲི་ཉི་སྤྱི་གཉེར་ཁང་གིས་ཨ་རི་དང་ཀྲུང་གོའི་མི་ཆོས་བརྗེ་རེས་ལ་མཐོང་ཆེན་བྱེད་བཞིན་ཡོད་ཅེས་བསྟན།།
