སྤྱི་ཟླ་5པའི་ཚེས20ཉིན། 2016ལོའི་རྒྱལ་སྤྱིའི་ཁོར་ཡུག་སྲུང་སྐྱོང་གི་གསར་འགོད་པ་ཆུང་ཆུང་གི་གསར་འགྱུར་བརྩམས་ཆོས་འགྲན་བསྡུར་ཆེན་མོའི་རྣམ་གྲངས་ཏེ་རྒྱལ་ནང་དུ་གདམ་པའི་འགྲན་སྡུར་ཁྱབ་བསྒྲགས་བྱས། སི་ཁྲོན་ཞིང་ཆེན་ཁོར་ཡུག་སྲུང་སྐྱོང་སློབ་གསོའི་“1+N”རྣམ་གྲངས་སློབ་གྲྭར་ཨང་དང་པོ་དང་། གཉིས་པ། གསུམ་པ་བཅས་བྱ་དགའ་རེ་རེ་ཐོབ། 
      རྒྱུས་ལོན་བྱུང་བ་ལྟར་ན། གསར་འགོད་པ་ཆུང་ཆུང་གིས་རྣམ་གྲངས་ནི་རྒྱལ་སྤྱིའི་ཁོར་ཡུག་སྲུང་སྐྱོང་པུའུ་ཡི་དྲིལ་བསྒྲགས་སློབ་གསོའི་ལྟེ་གནས་ཀྱིས་གཙོ་སྒྲུབ་བྱས་ཤིང་། ད་ལོའི་ཟླ་བ་དང་པོ་ནས་ཟླ་3པའི་བར་དུ་ཁྱོན་བསྡོམས་བརྩམས་ཆོས་1100ལྷག་འབྱོར་ཡོད། མཐར་རྩོམ་ཡིག་རིགས་70བདམས་པ་དང་། དེའི་ནང་ནས་ཡང་ཨང་དང་པོ་ཐོབ་མཁན5བདམས། 
    མིག་སྔར། འཛམ་གླིང་ཡོངས་སུ་རྒྱལ་ཁབ་དང་ས་ཁུལ་25ཁོར་ཡུག་སྲུང་སྐྱོང་བྱེད་པའི་གསར་འགོད་པ་ཆུང་ཆུང་ཞེས་པའི་རྣམ་གྲངས་གྲས་སུ་ཞུགས་པ་རེད།།