སྤྱི་ཟླ་5པའི་ཚེས་31ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་མི་དམངས་ཚོགས་ཁང་ཆེན་མོའི་ནང་ཀྲུང་གོར་རྒྱལ་དོན་འཚམས་འདྲིར་ཕེབས་པའི་ཐོ་གོའི་སྲིད་འཛིན་ཧྥུའུ་ལི་དང་མཇལ་འཕྲད་གནང་། 

　　ལི་ཁེ་ཆང་གིས་ཀྲུང་གོའི་ཕྱོགས་ནས་ཐོ་གོ་དང་མཉམ་དུ་ཆབ་སྲིད་ཡིད་ཆེས་སྲ་བརྟན་དང་ཕྱོགས་ཡོངས་ནས་ཀྲུང་གོ་དང་ཐོ་གོ ཀྲུང་གོ་དང་ཧྥེ་གླིང་གི་ཁྱབ་ཁོངས་སོ་སོའི་མཛའ་མཐུན་མཉམ་ལས་ལ་སྐུལ་འདེད་བཏང་ནས་མཉམ་དུ་སྲོལ་རྒྱུན་དང་སྲོལ་རྒྱུན་མ་ཡིན་པའི་ཁྱབ་ཁོངས་ལ་གདོང་གཏད་དེ་ཕྱོགས་གཉིས་ཀྱི་མི་དམངས་ལ་སྔར་ལས་ལེགས་པའི་བདེ་སྐྱིད་བསྐྲུན་འདོད་ཅེས་བསྟན། 
　　ཧྥུའུ་ལི་ཡིས་ཐོ་གོའི་ཕྱོགས་ནས་རྒྱལ་ཁབ་གཉིས་དང་། དེ་མིན་ཧྥེ་གླིང་དང་ཀྲུང་གོའི་མཛའ་མཐུན་མཉམ་ལས་ཀྱི་ལོ་རྒྱུས་གོ་སྐབས་དམ་འཛིན་བྱས་ཏེ་རང་སོ་སོའི་ཁྱད་ཆོས་འདོན་སྤེལ་བྱས་ནས་ཚོང་གཉེར་ཁོར་ཡུག་ལེགས་བཅོས་བྱེད་པ་དང་། ཐོ་གོ་དང་ཀྲུང་གོའི་རྨང་གཞིའི་སྒྲིག་བཀོད་འཛུགས་སྐྲུན་དང་གྲུ་ཁའི་ཟོག་འདྲེན། གཏེར་རྫས་ཐོན་ཁུངས། དབུལ་སྒྲོལ་སོགས་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བྱས་ཏེ་ཧྥེ་གླིང་དང་ཀྲུང་གོ་མཉམ་དུ་འཕེལ་རྒྱས་སུ་ཕྱིན་པར་སྐུལ་འདེད་གཏང་འདོད་ཅེས་བསྟན།།