2016ལོའི་ཟླ་6པའི་ཚེས་1ནས་ཚེས་3ཉིན། ཀྲུང་གོའི་རྩོམ་པ་པོའི་མཐུན་ཚོགས་ཀྱི་རྒྱབ་སྐྱོར་ཆེན་པོའི་འོག་དང་བོད་ལྗོངས་མི་རིགས་སློབ་ཆེན་རྩོམ་རིག་སློབ་གླིང་གིས་གདན་ཞུས་ལྟར། དཀར་མཛེས་ཁུལ་རིག་རྩལ་ལྷན་ཚོགས་ཀྱི་ཀྲུའུ་ཞི་སྐལ་བཟང་འཇིགས་མེད་དང་བོད་རིགས་རྩོམ་པ་པོ་གྲགས་ཅན་དབྱིན་ཞང་ཏུང་། ཚེ་རིང་ཟླ་བ་བཅས་བོད་ལྗོངས་མི་རིགས་སློབ་ཆེན་དུ་འབྱོར་ནས་རྩོམ་རིག་ཐད་ཀྱི་རྗེས་རེས་མཛད། 

            ཟླ་6པའི་ཚེས་1ཉིན་གྱི་ཕྱི་དྲོར། བོད་ལྗོངས་མི་རིགས་སློབ་ཆེན་གྱི་ཏང་ཨུའི་རྒྱུན་ཨུ། སློབ་གཙོ་གཞོན་པ། སློབ་དཔོན་ཆེན་མོ་ལིའུ་ཁའེ་ཡིས་སྲིད་འཛིན་གཞུང་ལས་ཁང་དུ་སྐལ་བཟང་འཇིགས་མེད་བཅས་ལ་འཇལ་འཕྲད་གནང་སྟེ། བོད་ལྗོངས་མི་རིགས་སློབ་ཆེན་གྱི་སློབ་སྒྲུབ་ལོ་རྒྱུས་དང་གཟི་བརྗིད་ལྡན་པའི་སྲོལ་རྒྱུན། དམིགས་འབེན་རིང་པོ་དང་རྩོམ་རིག་སློབ་གླིང་གི་རིག་ཚན་འཕེལ་རྒྱས་ཀྱི་ཁྱད་ཆོས་དང་བོད་ལྗོངས་དེང་རབས་རྩོམ་རིག་ཞིབ་འཇུག་ལྟེ་གནས་ཀྱི་གནས་ཚུལ་སོགས་མཚམས་སྦྱོར་བྱས། དཀར་མཛེས་ཁུལ་རིག་རྩལ་མཐུན་ཚོགས་ཀྱི་ཀྲུའུ་ཞི་སྐལ་བཟང་འཇིགས་མེད་ཀྱིས་བོད་ལྗོངས་མི་རིགས་སློབ་ཆེན་དུ་བརྗེ་རེས་ཡོང་བར་དགའ་བསུ་ཞུས། ཁོས་དཀར་མཛེས་ཁུལ་གྱི་རྩོམ་རིག་གསར་རྩོམ་གནས་ཚུལ་རགས་བསྡུས་སྒོས་མཚམས་སྦྱོར་བྱས་ཤིང་། བོད་ལྗོངས་མི་རིགས་སློབ་ཆེན་གྱི་དེང་རབས་རྩོམ་རིག་ཞིབ་འཇུག་ལྟེ་གནས་དང་མཉམ་དུ་བརྗེ་རེས་མཉམ་ལས་ཤུགས་སྣོན་བྱེད་པའི་རེ་བ་བཏོན། 

           ཟླ་6པའི་ཚེས་2ཉིན་གྱི་སྔ་དྲོར། ཁམས་པའི་རྩོམ་པ་པོའི་བརྩམས་ཆོས་བགྲོ་གླེང་ཚོགས་འདུ་བོད་ལྗོངས་མི་རིགས་སློབ་ཆེན་གྱི་དངོས་མང་བཤམས་སྟོན་ཁང་གི་གྲོས་ཚོགས་ཁང་དུ་གཟབ་རྒྱས་ངང་འཚོགས།།