2015ལོའི་ཟླ་6ཚེས་24ཉིན། དར་རྩེ་མདོ་དང་འདབ་པའི་ཉི་རྟེན་གནམ་ཐང་གཉིས་ཀྱིས་ཧང་ཀྲོའུ་དང་། ཁུན་མིང་། ལྷ་ས། ཁྲུང་ཆིང་བཅས་གྲོང་ཁྱེར་4ལ་འགྲོ་འོང་བྱེད་པའི་མཁའ་བསྐྱོད་ལམ་ཐིག་7ཤར་གཏོང་བྱས་པ་ནས་བཟུང་། དར་རྩེ་མདོ་དང་འདབ་པའི་དམངས་སྤྱོད་གནམ་གྲུ་ཐང་བར་འགྲོ་འོང་བྱེད་ཐུབ་པ་ནས་ད་ལྟའི་བར་ལོ་གཅིག་ཟིན། དེ་ལས་གནམ་གྲུ་འཕུར་ཐེངས་དང་འགྲུལ་པ་ཆེས་ཆེར་མང་དུ་ཕྱིན་པ་མ་ཟད། དར་རྩེ་མདོ་གནམ་ཐང་དུ་ལོ་འདིའི་ཟླ་4ཚེས་27ཉིན་དངོས་སུ་ཟོག་འདྲེན་ལས་སྒོ་གཉེར་ནས་དཀར་མཛེས་ཁུལ་ཁོངས་སུ་ད་ལྟ་འཁོར་རྒྱུག་བྱེད་བཞིན་པའི་གནམ་ཐང་ཆེན་པོ་གཉིས་ལ་འགྲུལ་པ་དང་དངོས་ཟོག་སྐྱེལ་འདྲེན་གྱི་ལས་སྒོ་གཉེར་བཞིན་ཡོད། ལྷག་པར་དུ་ལོ་འདིའི་ལོ་སྟོད་ཀྱི་ཉི་རྟེན་གནམ་གྲུ་ཐང་གི་དངོས་ཟོག་འདྲེན་ཚད་ལ་གཞིགས་ཚེ། མཁའ་བསྐྱོད་ཟོག་འདྲེན་ལས་སྒོ་དེ་དཀར་མཛེས་ཁུལ་ཟོག་འདྲེན་ལས་རིགས་ཀྱི་ཐབས་ལམ་གཙོ་བོའི་གྲས་སུ་རིམ་བཞིན་གྱུར་འདུག 
     བསྡོམས་རྩིས་བྱས་པ་ལྟར་ན། དར་རྩེ་མདོ་གནམ་གྲུ་ཐང་གིས་ལོ་འདིའི་ཟླ་1པོ་ནས་6པའི་བར་གནམ་གྲུ་ཐེངས་གྲངས་698བཏང་བ་དེ་དུས་མཚུངས་ལས་114.1%འཕར་བ་དང་། འགྲུལ་པ་48878སྐྱེལ་འདྲེན་བྱས་པ་དེ་དུས་མཚུངས་114.1%འཕར། འདབ་པའི་ཉི་རྟེན་གནམ་ཐང་གིས་ཟླ་1པོ་ནས་6པའི་བར་གནམ་གྲུ་ཐེངས་གྲངས་802བཏང་བ་དེ་དུས་མཚུངས་ལས་48.5%འཕར་བ་དང་། འགྲུལ་པ་68968སྐྱེལ་འདྲེན་བྱས་པ་དེ་དུས་མཚུངས་ལས་25.2%འཕར་བ་རེད།།