སྤྱི་ཟླ་6པའི་ཚེས26ཉིན། དུས་ཡུན་ཉིན་གསུམ་རིང་གི2016ལོའི་ཁྲེན་ཏུའུ་ཡི་རྒྱལ་ཡོངས་ཀྱིས་གསར་གཏོད་ལས་གཏོད་བྱེད་པའི་བརྗེ་རེས་ཚོགས་འདུ་མཇུག་སྒྲིལ། སྐབས་འདིའི་བརྗེ་རེས་ཚོགས་འདུའི་རྣམ་གྲངས་བརྗེ་རེས་ཀྱིས་ཡང་བསྐྱར་གསར་སྐྲུན་བྱས་ཚད་དེ་3000ལས་བརྒལ་ཡོད་པ་དང་། ཚོདདཔག་བྱས་ན་བརྗེ་རེས་བྱས་པའི་མ་དངུལ་སྒོར་དུང་ཕྱུར160ལས་བརྒལ་བ་རེད། 

    སྣ་མང་ཕུན་སུམ་ཚོགས་པའི་གླེང་སྟེགས་12ཡིས་ཐེངས་འདིའི་བརྗེ་རེས་གྲོས་ཚོགས་ལ་གྲུབ་འབྲས་གཡུར་དུ་ཟ་བ་ཤིག་ལོན་དུ་བཅུག་ཡོད་པ་སྟེ། ནོ་པེར་གྱི་བྱ་དགའ་ཐོབ་མཁན་གསུམ་དང་། ཀྲུང་གོའི་ཚན་རིག་གླིང་དང་ཀྲུང་གོའི་བཟོ་སྐྲུན་གླིང་གི་ཡོའན་ཧྲི་10ལྷག རྒྱལ་ཁབ་ཕྱི་ནང་གི་མིང་དུ་གྲགས་པའི་སློབ་གཙོ་20 འཛམ་གླིང་གི་གསར་སྐྲུན་ལས་གཏོད་བྱེད་མཁན་ཆེས་མང་བའི་གྲོང་ཁྱེར་གྱི་འགོ་འཛིན་30ལྷག དེ་མིན་འཛམ་གླིང་གི་ཚོང་ལས་བ་གྲགས་ཅན་དང་། གསར་སྐྲུན་ མ་འཇོག་ལས་ཁུངས། སྒོ་ངའི་རྟེན་གཞིའི་གསར་གཏོད་མཁན་སོགས་གསར་སྐྲུན་ལས་གཏོད་བྱེད་མཁན་གྱི་འཐུས་ཚབ་པ་300ལྷག་གིས་ཕྲ་ཕུང་རིག་པ་དང་མི་རབས་གསར་བའི་ཆ་འཕྲིན་ལག་རྩལ། འཐེན་ཤུགས་རླབས་སོགས་ནང་འདྲེན་བྱས་པར་མ་ཟད། མ་འོངས་བའི་ཆ་འཕྲིན་ལག་རྩལ་གྱི་ཆེས་གསར་བའི་ཆ་འཕྲིན་སྐོར་ཞིག་ཡང་ནང་འདྲེན་བྱས་པ་རེད། གྲོང་ཁྱེར་གཞན་རིམ་སྒྱུར་དང་། ཐོན་ལས་རིམ་འཕར་ཡོང་བར་རྒྱལ་ཁ་ལེན་པའི་སྐོར་གྱི་ཉམས་མྱོང་སོགས་ཀྱི་ཐད་ནས་བརྗེ་རེས་གནང་། 

    སྐབས་འདུའི་བརྗེ་རེས་གྲོས་ཚོགས་ཀྱིས་ལག་རྩལ་གྱི་གྲུབ་འབྲས་དང་། མ་རྩ་གཏོང་བ། འཇོན་མི་སོགས་བརྗེ་རེས་ཀྱི་བྱེད་སྒོ་གསུམ་སྤེལ། འཛམ་གླིང་གི་ས་གནས་གྲགས་ཅན་ཁག་ནས་ཡོང་བའི་ཚན་རྩལ་རང་བཞིན་གྱི་ཁེ་ལས་དང་། མཐོ་རིམ་སློབ་གླིང་། ལག་རྩལ་བརྗེ་སྤོར་སྒྲིག་གཞི། གློག་རྡུལ་ཆ་འཕྲིན། སྐྱེ་དངོས་སྨན་རྫས། རིག་ནུས་བཟོ་སྐྲུན་སོགས་ལས་ཁུངས་240ལྷག་གི་ཁྱབ་ཁོངས་ལས་ཚན་རྩལ་གྲུབ་འབྲས་1500ལྷག་གིས་གསར་སྐྲུན་བརྗེ་རེས་གྲོས་ཚོགས་ཐོག་དུ་ཡུལ་དངོས་ཀྱི་གསལ་བསྒྲགས་དང་སྦྲེལ་མཐུད་གླེང་མོལ་བྱས།།