ཉེ་ལམ། སིང་ཀ་ཕོར། འཇར་མན། དབྱི་སི་རལ། ཕོ་ལན། ཅེ་ཁེ། ཐེ་གོ ཨོ་སི་ཁྲུ་ལི་ཡ་བཅས་ཀྱི་རྒྱལ་ཁབ་ཀྱི་ཁྲིན་ཏུའུ་ལ་གནས་པའི་སྤྱི་ཁྱབ་གཞུང་ཚབ་ཁང་དང་ཁ་ན་ཏ་དང་དབྱིན་ཇིའི་ཁྲུང་ཆིན་ཏུ་གནས་པའི་སྤྱི་ཁྱབ་གཞུང་ཚབ་ཁང་གི་སྤྱི་ཁྱབ་གཞུང་ཚབ། དེ་མིན་འབར་མའི་ཁུན་མིང་ཏུ་གནས་པའི་སྤྱི་ཁྱབ་གཞུང་ཚབ་ཁང་གི་སྤྱི་ཁྱབ་གཞུང་ཚབ་བཅས་དཀར་མཛེས་བོད་རིགས་རང་སྐྱོང་ཁུལ་དུ་བོད་རིགས་ས་ཁུལ་གྱི་དཔལ་འབྱོར་འཕེལ་རྒྱས་དང་ཡུལ་སྐོར་ཐོན་ཁུངས་གསར་སྤེལ། དེ་མིན་མི་རིགས་རིག་གནས་རྒྱུན་འཛིན་དང་སྲུང་སྐྱོང་། ་སྤྱི་ཚོགས་ལས་རིགས་འཕེལ་རྒྱས་སོགས་ལ་རྟོག་ཞིབ་གནང་། གཞུང་ཚབ་པ་རྣམས་སྔ་རྗེས་སུ་ལི་ཐང་རྫོང་གནས་མཆོག་ཞིང་གྲོང་དང་ཁོ་ལེ་དགོན། དེ་མིན་འདབ་པ་རྫོང་ཞིང་དུད་དང་ཡུལ་མིའི་སྣེ་ལེན་དཔེ་སྟོན་དུད་ཚང་། ད་དུང་ཉི་བརྟེན་མཛེས་ལྗོངས་ཁུལ་དང་སེམས་ཀྱི་ཉི་ཟླ་གྲོང་སྡེའི་རྒྱུན་སྡོད་སློབ་གྲྭ་དང་འཕྲོད་སྟེན་ཁང་སོགས་སུ་རྟོག་ཞིབ་གནང་པར་ཕེབས།
ཉིན་མ་གཉིས་ཀྱི་དུས་ཚོད་ནང་སྤྱི་ཁྱབ་གཞུང་ཚབ་རྣམས་ཀྱིས་ནན་ཏན་སྒོས་རྟོག་ཞིབ་གནང་བས། དཀར་མཛེས་ཁུལ་དཔལ་འབྱོར་སྤྱི་ཚོགས་འཕེལ་རྒྱས་ཀྱི་གྲུབ་འབྲས་ཀྱིས་ཁོང་རྣམ་པར་བབ་ཆགས་ཟབ་མོ་བཞག་པ་དང་། གཞུང་ཚབ་མང་པོ་ཞིག་གིས་སྤྱི་ཁྱབ་གཞུང་ཚབ་ཁང་དུ་ལོག་ནས་དཀར་མཛེས་ཁུལ་གྱི་ཁྱད་ལྡན་གྱི་ཐོན་ཁུངས་ལ་དབྱེ་ཞིབ་བྱས་ནས་དཀར་མཛེས་ཁུལ་དང་མཉམ་ལས་ཀྱི་རྣམ་གྲངས་བཙལ་ཏེ་ས་ཁུལ་བར་གྱི་མཉམ་ལས་བརྗེ་རེས་སྐུལ་འདེད་དུ་བཏང་ནས་བོད་རིགས་ས་ཁུལ་དང་མཉམ་ལས་འགྲོ་འོང་ཇེ་ཟབ་ཏུ་བཏང་རྒྱུ་ཡིན་བཅས་བསྟན། །
