སྤྱི་ཟླ་7པའི་ཚེས་8ཉིན། རྒྱལ་སྲིད་སྤྱི་ཁང་གི་ཙུང་ལི་ལི་ཁེ་ཆང་གིས་ཀྲུང་གོར་འཚམས་འདྲིར་ཕེབས་པའི་མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཕན་ཅི་ཝུན་ལ་མཇལ་འཕྲད་གནང་།
        ལི་ཁེ་ཆང་གིས་ཀྲུང་གོས་དུས་དང་རྣམ་པ་ཀུན་ཏུ་མཉམ་འབྲེལ་རྒྱལ་ཚོགས་སྲོག་ཤིང་ཡིན་པའི་རྒྱལ་སྤྱིའི་མ་ལག་སྲུང་སྐྱོབ་དང《མཉམ་འབྲེལ་རྒྱལ་ཚོགས་ཀྱི་རྩ་ཁྲིམས》ཀྱི་དམིགས་འབེན་དང་རྩ་དོན་སྲུང་སྐྱོབ་བྱེད་པར་བརྩོན་ལེན་བྱེད་བཞིན་ཡོད་ལ། ཧུར་ཐག་སྒོས་གྲོས་མོལ་ལ་བརྟེན་ནས་རྩོད་གཞི་ཞི་བས་ཐག་གཅོད་དང་བརྡར་གཅོད་བྱེད་པར་སྐུལ་འདེད་བཏང་ཞིང་ནམ་ཟླའི་འགྱུར་ལྡོག་ལ་ཁ་གཏོད་པ་སོགས་འཛམ་གླིང་རང་བཞིན་གྱི་འགྲན་རྩོད་ཀྱི་རྒྱལ་སྤྱིའི་མཉམ་ལས་ཁྲོད་ཞུགས་ནས་འཛམ་གླིང་གི་ཞི་བདེ་དང་འཕེལ་རྒྱས་ཐད་ལ་བྱས་རྗེས་བཞག་པ་ཡིན་ཞེས་བསྟན། 
        ཕན་ཅི་ཝུན་གྱིས་ཀྲུང་གོའི་ལྷོ་ཕྱོགས་ས་ཁུལ་དུ་ཆུ་ལོག་གི་གནོད་འཚེ་བྱུང་བར་འཚམས་འདྲི་ཞུས་ཤིང་ཀྲུང་གོ་སྲིད་གཞུང་གི་བརྟན་བརླིང་གི་འགོ་ཁྲིད་འོག་ཀྲུང་གོ་མི་དམངས་གནོད་འཚེ་ལས་རྒྱལ་པར་ཡིད་ཆེས་ཡོད་པའི་བསམ་ཚུལ་བསྟན། མཉམ་འབྲེལ་རྒྱལ་ཚོགས་ཀྱིས་ཀྲུང་གོས་འཛམ་གླིང་གི་གནོད་འགོག་གནོད་སེལ་དང་རྒྱུན་མཐུད་འཕེལ་རྒྱས་ལས་དོན་ལ་མཛད་རྗེས་བཞག་པར་བསྟོད་བསྔགས་བྱེད་བཞིན་ཡོད་ལ། ཀྲུང་གོའི་ཕྱོགས་ནས་2030ལོའི་རྒྱུན་མཐུད་འཕེལ་རྒྱས་ཀྱི་གྲོས་རིམ་དང་གནས་གཤིས་འགྱུར་ལྡོག་སོགས་འཛམ་གླིང་རང་བཞིན་གྱི་འགྲན་རྩོད་ལ་གདོང་གཏོད་པའི་ཐད་ནས་མུ་མཐུད་དུ་ཕན་ནུས་གལ་ཆེན་འདོན་སྤེལ་བྱེད་པར་རེ་སྒུག་བྱས་ཡོད་ཅེས་བསྟན།།