གོམ་གང་མདུན་སྤོས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཏང་གི་གསར་འགྱུར་གླེང་ཕྱོགས་ཀྱི་བྱ་བའི་བཞུགས་མོལ་འཚོགས་འདུའི་ཐོག་གི་གཏམ་བཤད་གལ་ཆེན་ལ་སློབ་སྦྱོང་དང་། སྤྱི་ཁྱབ་ཧྲུའུ་ཅི་ཞི་ཅིང་ཕིང་གིས་བདུན་གཅིག་ཐོག་གི་གཏམ་བཤད་གཙོ་བོ་དང་ཟུང་འབྲེལ་བྱ་ཆེད།  ཟླ་7པའི་ཚེས་11ཉིན། ཞིང་ཆེན་ཡོངས་ཀྱི་གསར་འགྱུར་གླེང་ཕྱོགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གཏམ་བཤད་གཙོ་བོའི་དགོངས་དོན་ཀྱི་ཆེད་དོན་གསོ་སྦྱོང་འཛིན་གྲྭས་ནེ་ཅང་ནས་སློབ་འགོ་ཚུགས་པ་དང་། འདིས་ཞིང་ཆེན་ཡོངས་ཀྱི་གསར་འགྱུར་གླེང་ཕྱོགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གཏམ་བཤད་གལ་ཆེན་གྱི་དགོངས་དོན་ལ་ཆེད་དོན་གསོ་སྦྱོང་བྱེད་པའི་བྱ་བ་ཁྱོན་ཡོངས་ནས་སྐུལ་སྤེལ་བྱས་པ་མཚོན།
     ཚེས་11ཉིན་ནས་ཚེས་13ཉིན་གྱི་བར། ཞིང་ཆེན་ཡོངས་ཀྱི་ཕྱོགས་སོ་སོ་ནས་ཕེབས་པའི་གསར་འགྱུར་གླེང་ཕྱོགས་ཀྱི་འཐུས་འཚབ་པ་མི་320ལྷག་དུས་སྐབས་དང་པོའི་གསོ་སྦྱོང་འཛིན་གྲྭའི་ཁྲོད་དུ་ཞུགས། མི་དམངས་ཉིན་རེའི་ཚགས་པར་དང་ཤིན་ཧྭ་གསར་འགྱུར་ཁང་། ཀྲུང་གོའི་ན་གཞོན་ཚགས་པར་སོགས་ཀྲུང་དབྱང་གི་སྨྱན་སྦྱོར་ལས་རིགས་ཀྱི་འཐུས་ཚབ་པས་ཆེད་དོན་འཆད་ཁྲིད་གནང་རྒྱུ་རེད། དུས་ཡུན་ཉིན་གསུམ་རིང་གི་ཆེད་དོན་གསོ་སྦྱོང་འཛིན་གྲྭ་ཡིས་སློབ་ཁང་གི་སློབ་ཁྲིད་དང་ཞིབ་འཇུག་བགྲོ་གླེང་། ཡུལ་དངོས་ནས་སློབ་ཁྲིད་བྱེད་པ། དོན་དངོས་ཐོག་རྟོག་ཞིབ་བྱེད་པ་བཅས་ཟུང་འབྲེལ་བྱས་ཐོག ཁ་གསལ་བའི་སྨྲ་བརྗོད་དང་ཡིད་འགུལ་ཐེབས་པའི་གཏམ་རྒྱུད། ཁ་གསལ་བའི་གྲངས་གཞི། དོན་དངོས་ཀྱི་དཔེ་མཚོན་སོགས་བཀོལ་སྤྱོད་བྱས་ཏེ། གོམ་གང་མདུན་སྤོས་ཀྱིས་གསར་འགྱུར་གླེང་ཕྱོགས་ཀྱི་ལས་བྱེད་པའི་ཆབ་སྲིད་ཀྱི་བྱང་ཚད་དང་ལས་རིགས་ཀྱི་ནུས་པ་མཐོར་འདེགས་སུ་བཏང་ཐོག དུས་སྐབས་གསར་པའི་འགན་འཁྲི་དང་ལས་འགན་གསལ་བོ་བྱ་རྒྱུ་རེད།།