ཉེ་ལམ་རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་སོག་པོ་རྒྱལ་ཁབ་ཀྱི་ཙུང་ལི་གསར་པ་ཨུར་ཏིན་པ་ཐི་ལ་རྟེན་འབྲེལ་ཞུ་བའི་གློག་འཕྲིན་བཏང་ཏེ་ཨུར་ཏིན་པ་ཐི་ཡིས་ཙུང་ལིའི་འགན་བཞེས་བར་རྟེན་འབྲེལ་ཞུས། ཁོང་གིས་ཀྲུང་གོ་དང་སོག་པོ་རྒྱལ་ཁབ་གཉིས་ཀྱི་ཁྱོན་ཡོངས་འཐབ་ཇུས་མཛའ་མཐུན་འབྲེལ་བ་རྒྱུན་མཐུན་ངང་འཕེལ་རྒྱས་སུ་ཕྱིན་ཞིང་། ཁྱབ་ཁོངས་སོ་སོའི་དངོས་དོན་མཉམ་ལས་རྒྱུན་ཆད་མེད་པར་གཏིང་ཟབ་ཏུ་སྤེལ། ཀྲུང་གོའི་ཕྱོགས་ནས་ཀྲུང་གོ་དང་སོག་པོ་རྒྱལ་ཁབ་གཉིས་ཀྱི་འབྲེལ་བར་ཚད་མཐོ་བའི་མཐོང་ཆེན་བྱེད་བཞིན་ཡོད་ལ། སོག་པོ་རྒྱལ་ཁབ་དང་མཉམ་དུ་འབད་པ་ཆེན་པོས་རྒྱལ་ཁབ་གཉིས་ཀྱི་འབྲེལ་བ་རྒྱུན་ཆད་མེད་པར་འཕེལ་རྒྱས་སུ་ཕྱིན་པར་སྐུལ་འདེད་བཏང་ནས་རྒྱལ་ཁབ་གཉིས་དང་རྒྱལ་ཁབ་གཉིས་ཀྱི་མི་དམངས་ལ་སྔར་ལས་ལེགས་པའི་བདེ་སྐྱིད་བསྐྲུན་འདོད་ཅེས་བསྟན།།