ཉེ་ལམ། དཀར་མཛེས་བོད་རིགས་རང་སྐྱོང་ཁུལ་སྲིད་གཞུང་དང་སི་ཁྲོན་ཡུལ་སྐོར་འཕེལ་རྒྱས་ཨུ་ཡོན་ལྷན་ཚོགས་ཀྱིས་གཙོ་སྐྱོང་གནང་ཞིང་དཀར་མཛེས་ཁུལ་ཡུལ་སྐོར་འཕེལ་རྒྱས་ཨུ་ཡོན་ལྷན་ཚོགས་དང་དུང་དཀར་ལུང་པའི་ཡུལ་སྐོར་ཁུལ་དོ་དམ་ཅུས་ཀྱིས་འགན་སྒྲུབ་གནང་བའི་དྭངས་གཙང་གི་དཀར་མཛེས་སུ་འཛོམས་ཏེ་རང་བྱུང་གི་མཛེས་སྡུག་ཉམས་སུ་མྱོང་ཞེས་པའི་2016ལོའི་སི་ཁྲོན་དཀར་མཛེས་ཀྱི་ཡུལ་སྐོར་དུས་ཆེན་གྱི་མཛད་སྒོ་དུང་དཀར་ལུང་བར་སྤེལ།
ལིའུ་ཁྲེན་མིང་གིས་མཛད་སྒོའི་སྟེང་ཤིས་ཚིག་ཕུལ། ཁོང་གིས་ཐོག་མར་ཀྲུང་གུང་དཀར་མཛེས་བོད་རིགས་རང་སྐྱོང་ཁུལ་གྱི་རྒྱུན་ལས་ཨུ་ཡོན་ལྷན་ཁང་དང་དཀར་མཛེས་བོད་རིགས་རང་སྐྱོང་ཁུལ་སྲིད་གཞུང་། དེ་མིན་དཀར་མཛེས་མི་དམངས་ཁྲི་116གི་ཚབ་བྱས་ནས་རྒྱང་རིང་ནས་ཕེབས་པའི་འགོ་ཁྲིད་ཁག་དང་མགྲོན་པ་རྣམས་ལ་སྤྲོ་སེམས་འཁོལ་བའི་དགའ་བསུ་ཞུས་པར་མ་ཟད། དུས་ཡུན་རིང་པོར་དཀར་མཛེས་ཁུལ་གྱི་དཔལ་འབྱོར་འཕེལ་རྒྱས་དང་ལས་རིགས་ཁག་གི་གྲོགས་པོ་རྣམས་ཀྱིས་ཐུགས་ཁུར་དང་རྒྱབ་སྐྱོར་གནང་བར་བཀའ་དྲིན་ཞུས།།
