ཉེ་ཆར། ཞིང་ཆེན་ལྗང་སྒྱུར་ཨུ་ཡོན་ལྷན་ཁང་གིས《གཞི་རྒྱ་ཆེ་བའི་སྒོ་ནས་སི་ཁྲོན་ཡོངས་ལྗང་སྒྱུར་བྱེད་རྒྱུ་དང་འབྲི་ཆུའི་སྟོད་རྒྱུད་ཀྱི་སྐྱེ་ཁམས་སྲུང་ཡོལ་བརྟན་པོ་བྱེད་པའི་སྤྱིའི་འཆར་འགོད། 》པར་སྐྲུན་འགྲེམ་སྤེལ་བྱས། 2020ལོར་སླེབས་སྐབས། ཞིང་ཆེན་ཡོངས་སུ་ནགས་ཚལ་གྱིས་ཁེབས་ཚད་དེ་40%ཟིན་རྒྱུ་དང་། ན་ནིང་ལོ་མཇུག་གི་རྨང་གཞིའི་ཐོག་བརྒྱ་ཆའི་ཚེག་4ལ་ཉེ་བ་འཕར་སྣོན་ཡོང་བ་བྱ་རྒྱུ། རྩྭ་ཐང་གི་རྒྱ་ཁྱོན་ཏེ་གཞི་རྩའི་ཐོག་མུའུ་དུང་ཕྱུར་2.13ལས་མི་ཉུང་བ་བྱ་རྒྱུ། དེ་མིན་གསར་དུ་བསྣན་པའི་གྲོང་ཁྱེར་སྤྱི་གླིང་གི་སྤང་ལྗོངས་རྒྱ་ཁྱོན་དེ་མུའུ་ཁྲི་15ཟིན་པ་བྱ་རྒྱུ། གསར་བསྐྲུན་བྱས་པའི་གྲོང་ཁྱེར་དང་རྫོང་དུ་སྤྱི་གླིང་གི་སྤང་ལྗོངས་རྒྱ་ཁྱོན་དེ་མི་རེ་ཆ་སྙོམས་ཀྱིས་སྨི་གྲུ་བཞི་མ་14བཅས་ཟིན་པ་བྱ་རྒྱུའི་འཆར་འགོད་གསལ་བོར་བཏོན།

        ས་ཁུངས་མི་འདྲ་བ་སོ་སོའི་རང་བྱུང་གི་ཆ་རྐྱེན་དང་སྐྱེ་ཁམས་ཀྱི་གནས་ཡུལ། དེ་མིན་ཐོན་ཁུངས་གི་སྤུས་ཚད། སྤྱི་ཚོགས་དཔལ་འབྱོར་བཅས་ཀྱི་ཁྱད་པར་དབང་གིས། 《འཆར་བཀོད། 》ལས་སི་ཁྲོན་ཡོངས་ཏེ་ས་ཁུལ་ཆེན་མོ་དྲུག་དུ་བགོས་པར་མ་ཟད། ས་ཁུལ་སོ་སོས་གཞི་རྩའི་གནས་ཚུལ་ལ་ཁ་གཏད་ནས་རྒྱལ་ཁབ་ཀྱི་ས་ཁུལ་ལྗང་སྒྱུར་བྱེད་པའི་གཙོ་གནད་ལས་ཀ་འཛུགས་སྐྲུན་བྱེད་ཚུལ་བཏོན་ཡོད།།