སྤྱི་ཟླ་7ཚེས་18ནས་19ཉིན་བར།  དཀར་མཛེས་ཁུལ་གྱི་རྟའུ།  བྲག་འགོ དཀར་མཛེས་ཁུལ་གྱིས་ཁུལ་ཡོངས་ཀྱི་བོད་བརྒྱུད་ནང་བསྟན་གྱི་དགོན་པའི་རིགས་དབྱེའི་དོ་དམ་པ་དམིགས་ཚད་རིམ་འཕར་ལས་ཀའི་ཚོགས་འདུ་འཚོགས་ཤིང་།   ཚོགས་འདུ་ནང་ཞུགས་པའི་འཐུས་མི་རྣམས་ཀྱིས་རྟའུ། བྲག་འགོ དཀར་མཛེས་སོགས་སུ་བོད་བརྒྱུད་ནང་བསྟན་དགོན་པའི་རིགས་དབྱེ་དོ་དམ་པའི་དམིགས་ཚད་རིམ་འཕར་ལས་ཀ་སྤེལ་བའི་གནས་ཚུལ་ལ་གཟིགས་ཞིབ་གནང་བར་མ་ཟད། འགྲེམ་བྱང་དང་།  ངོ་སྤྲོད་ལ་གསན་པ། དངོས་སུ་དྲི་བ་བཏོན་པ།  གྲྭ་བཙུན་དང་བགྲོ་གླེང་བྱེད་པ་སོགས་བརྒྱུད་དེ་དགོན་པའི་དོ་དམ་གནས་ཚུལ་ལ་རྒྱུན་ལོན་བྱུང་རྗེས། བྲག་འགོ་རུ་ཚོགས་འདུ་འཚོགས་ཏེ་སློབ་སྦྱོང་དང་བརྗེ་རེས་གནང་།།