ཉེ་ལམ།  རྒྱལ་སྲིད་སྤྱི་ཁྱབ་ཁང་འཕེལ་རྒྱས་ཞིབའཇུག་ལྟེ་གནས་ཀྱི་ཞིབ་འཇུག་པུའུ་ཡི་པུའུ་ཀྲང་།  ཞིབ་འཇུག་པ་ཀོ་ཡན་ཧྥུན།  པེ་ཅིན་རྒྱལ་དམངས་བདེ་ཐང་ཞིབ་འཇུག་ལྟེ་གནས་ཀྲུའུ་རེན་ཞུས་ཆི་བཅས་ཀྱིས་གྲུབ་པའི་རྟོག་ཞིབ་ཚན་ཆུང་དཀར་མཛེས་ཁུལ་དར་མདོ་གྲོང་ཁྱེར་དང་ལྕགས་ཟམ་རྫོང་སོགས་སུ་ཆེད་དོན་རྟོག་དཔྱད་ཞིབ་འཇུག་བྱས།  དཀར་མཛེས་ཁུལ་གྱི་ཁུལ་དཔོན་གཞོན་པ་ཧོ་པིའོ་ཡིས་ཕེབས་རོགས་བྱས།  
             ཉིན་གསུམ་གྱི་རྟོག་ཞིབ་རིང་ལ། ཞིབ་དཔྱད་ཚན་ཆུང་གི་ཁོངས་མི་རྣམས་སྔ་རྗེས་སུ་དཀར་མཛེས་ཁུལ་མི་དམངས་སྨན་ཁང་དང་དར་མདོ་གྲོང་ཁྱེར་མི་དམངས་སྨན་ཁང་། དེ་མིན་ལྕགས་ཟམ་རྫོང་མི་དམངས་སྨན་ཁང་སོགས་སུ་དངོས་སུ་ཕེབས་ཏེ་རྟོག་ཞིབ་གནང་།   དཀར་མཛེས་ཁུལ་གྱི་གཞི་རིམ་གྱི་སྨན་བཅོས་ཞབས་ཞུ་མ་ལག་འཕེས་རྒྱས་དང་རིམ་དབྱེའི་ནད་བརྟག་སྨན་བཅོས་ཀྱི་ལམ་ལུགས་འཛུགས་སྐྲུན་སོགས་ཀྱི་གནས་ཚུལ་ཐད་ཀྱི་ལས་ཀར་གཏིང་ཟབ་པའི་རྟོག་ཞིབ་གནང་།  དུས་མཚུངས་སུ།  དཀར་མཛེས་ཁུལ་གྱི་འབྲེལ་ཡོད་སྡེ་ཁག་གི་བཞུགས་མོལ་ཚོགས་འདུའི་ཐོག   རྟོག་ཞིབ་ཚན་ཆུང་གིས་ནན་ཏན་སྒོས་དཀར་མཛེས་ཁུལ་གྱི་འབྲེལ་ཡོད་སྡེ་ཚན་གྱིས་མི་རིགས་ས་ཁུལ་གྱི་སྨན་བཅོས་འཕྲོད་བསྟེན་ལས་དོན་གྱི་འཕེལ་རྒྱས་ཐད་ཀྱི་བསམ་འཆར་ལ་གསན།།