སྤྱི་ཟླ་8པའི་ཚེས་9ཉིན། སྤྱི་ཚོགས་ལས་རིགས་ཁག་གི་དོ་ཁུར་དང་། དཀར་མཛེས་ཁུལ་ཡོངས་ཀྱི་མི་དམངས་རྣམས་ཀྱིས་ཡུན་རིང་རེ་སྒུག་བྱས་པའི་དཀར་མཛེས་ཁུལ་མི་རིགས་བཤམས་སྟོན་ཁང་གི་སྒོ་དངོས་སུ་ཕྱེ་འགོ་བརྩམས།
ཀྲུང་གོ་རྩོམ་པ་པོའི་མཐུན་ཚོགས་ཀྱི་མཚན་འཛིན་ཀྲུའུ་ཞི་གཞོན་པ་བསྟན་འཛིན་དང་སི་ཁྲོན་ཞིང་ཆེན་སྲིད་གཞུང་གི་ཞིང་ཆེན་འགོ་འཛིན་གཞོན་པ་དབྱང་ཞིན་ཕིན། སི་ཁྲོན་ཞིང་ཆེན་སྲིད་གྲོས་ཀྲུའུ་ཞི་གཞོན་པ་ནོར་བུ་རྒྱལ་མཚན་དང་དཀར་མཛེས་ཁུལ་ཨུའི་ཧྲུའུ་ཅི་ལིའུ་ཁྲན་སྨི་བཅས་སྒོ་འབྱེད་མཛད་སྒོར་ཞུགས་པ་མ་ཟད་བཤམས་སྟོན་ཁང་ལ་སྒོ་བྱང་བཀལ།
ངོ་སྤྲོད་བྱས་པ་ལྟར་ན། དཀར་མཛེས་ཁུལ་མི་རིགས་བཤམས་སྟོན་ཁང་ནི་1984ལོར་ལས་གཞིར་ཆོག་མཆན་ཐོབ་པ་དང་། 2010ལོའི་ཟླ་5པར་ལས་འགོ་བཙུགས་ནས་ལོ་ངོ་དྲུག་བརྒྱུད་པའི་དུས་དེ་རིང་དངོས་སུ་སྒོ་ཕྱེས་ལ་རྩེགས་དང་པོ་རང་བྱུང་འགྲེམས་སྟོན་ཁང་། རྩེགས་གཉིས་པ་ལོ་རྒྱུས་འགྲེམས་སྟོན་ཁང་། རྩེགས་གསུམ་པ་རིག་གནས་རྒྱུད་འཛིན་འགྲེམས་སྟོན་ཁང་བཅས་ཀྱིས་གྲུབ།
རྒྱུས་ལོན་བྱས་པ་ལྟར་ན། དཀར་མཛེས་ཁུལ་མི་རིགས་དངོས་མང་བཤམས་སྟོན་ཁང་དུ་ད་སྐབས་དངོས་པོ་བསྡོམས་1146ཡོད་ལ། དེའི་ནང་རྒྱལ་ཁབ་རིམ་པའི་ཚད་རིམ་དང་པོའི་སྲུང་སྐྱོབ་དངོས་རྫས་10དང་རྒྱལ་ཁབ་རིམ་པའི་ཚད་རིམ་ཨང་གཉིས་པའི་སྲུང་སྐྱོབ་དངོས་རྫས་22། རྒྱལ་ཁབ་རིམ་པའི་ཚད་རིམ་ཨང་གསུམ་པའི་སྲུང་སྐྱོབ་དངོས་རྫས་683ཡོད། དེ་ནི་བསྡུ་གསོག་དང་འཚོལ་སྡུད། ཞིབ་འཇུག འགྲེམས་སྟོན། རིག་དངོས་སྲུང་སྐྱོང་བཅས་གཞི་གཅིག་གི་ཕྱོགས་བསྡུས་རང་བཞིན་གྱི་དངོས་མང་བཤམས་སྟོན་ཁང་ཞིག་ཡིན། །
ལོ་ངོ་བརྒྱའི་ལོ་རྒྱུས་ལྡན་པའི་སྟགས་ལྤགས་ཀྱི་གུར།
