སྤྱི་ཟླ་8པའི་ཚེས་15ཉིན། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཞིང་ཆེན་སྲིད་གཞུང་གི་ཞིང་དཔོན་དབྱིན་ལི་ཡིས་ཞིང་ཆེན་སྲིད་གཞུང་གི་རྒྱུན་ལས་གྲོས་ཚོགས་ཐེངས་125པ་བསྡུ་འཚོགས་བྱས་པར་གཙོ་སྐྱོང་གནང་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་དང་ཙུང་ལི་ལི་ཁི་ཆང་གཉིས་ཀྱིས་ཉེ་དུས་ཆུ་ལོག་སྔོན་འགོག་དང་གནོད་སེལ་བྱ་བའི་སྐོར་གྱི་གསུངས་བཤད་གལ་ཆེན་དང་རྒྱལ་ཁབ་ཀྱིས་གནོད་སེལ་ཨུ་ཡོན་ལྷན་ཚོགས་ཀྱིས་ཆེད་དོན་གྲོས་ཚོགས་ཀྱི་དགོངས་དོན་བརྒྱུད་བསྒྲགས་དང་ལག་བསྟར་བྱས་ཏེ། དཔལ་འབྱོར་ཁུལ་ཆེན་མོ་ལྔ་ཡི་ལོ་ལྔའི་འཆར་གཞི་བཅུ་གསུམ་པའི་འཕེལ་རྒྱས་ལ་འཆར་འགོད་བྱ་རྒྱུར་གཞི་རྩའི་ཐོག་གྲོས་འཆམ་བྱུང་བ་དང་། དམག་དམངས་མཉམ་འདྲེས་གྱི་ཐོན་ལས་འཕེལ་རྒྱས་དང་ཕྱི་ཕྱོགས་ཉོ་ཚོང་བརྟན་བརླིང་གི་ཕྱོགས་སུ་བསྐྱོད་པར་སྐུལ་འདེད་གཏང་བ་སོགས་ཀྱི་བྱ་བར་ཞིབ་འཇུག་དང་བཀོད་སྒྲིག་གནང་། དཔལ་འབྱོར་ཁུལ་ཆེན་མོ་ལྔ་ཡི་ལོ་ལྔའི་འཆར་གཞི་བཅུ་གསུམ་པའི་འཕེལ་རྒྱས་འཆར་འགོད་བྱ་བར་གཞི་རྩའི་ཐོག་གྲོས་འཆམ་བྱུང་བ་དང་། དཔལ་འབྱོར་ཁུལ་ཆེན་མོ་ལྔ་ཡི་གནས་ཚུལ་དང་ཁྱད་ཆོས། འཕེལ་རྒྱས་ཀྱི་མངོན་མེད་སྟོབས་ཤུགས་བཅས་གཞིར་བཟུང་ནས། སོ་སོ་བྱས་ཏེ་འཕེལ་རྒྱས་ཀྱི་དམིགས་ཡུལ་དང་འཐབ་ཇུས་ཀྱི་གནས་བབ། གཙོ་བོའི་ལས་འགན་བཅས་གསལ་བོར་བཏོན། །