ཁུལ་ཡོངས་ཀྱི་རོང་འབྲོག་ལས་རིགས་མུ་མཐུད་དུ་འཕེལ་རྒྱས་གཏང་བ་དང་ལོ་ཧྲིལ་བོའི་དམིགས་འབེན་ལས་འགན་ལེགས་འགྲུབ་ཡོང་བའི་ཆེད་དུ་རྔ་བ་ཁུལ་གྱིས་དངོས་ཡོད་གནས་ཚུལ་ལ་བསྟུན་ཏེ་དམིགས་འབེན་གསལ་བོར་བྱས་ནས་ཞིང་ཕྱུགས་ལས་རིགས་ཐད་གྲུབ་འབྲས་བཟང་བོར་ལེན་པར་ཁག་ཐེག་བྱས། འབྲུ་རིགས་གཏན་འཇགས་ངང་ཐོན་སྐྱེད་བྱེད་པ་དང་མུའུ་ཁྲི་80དང་ཏུན་ཁྲི་16གི་ཆུ་ཚད་རྒྱུན་འཁྱོངས་བྱ་དགོས་པ་དང་། སྔོ་ཚོད་དང་སིལ་ཏོག་སོགས་ཁྱད་ལྡན་ཐོན་ལས་ལྔ་ཡི་སྤུས་ཚད་ཇེ་མཐོར་གཏོང་བའི་རྨང་གཞིའི་འོག་འདེབས་ཞིང་གི་རྒྱ་ཁྱོན་མུའུ་ཁྲི་80དང་ཏུན་ཁྲི་160ཡི་ཆུ་ཚད་ནས་གཏན་འཇགས་ངང་འདུག་དགོས་ལ། ཤའི་རིགས་ཀྱི་སྤྱིའི་ཐོན་འབོར་3.5%ཡན་ཇེ་མཐོར་གཏོང་པ་དང་འོ་མའི་སྤྱིའི་ཐོན་འབོར་2% ཞིང་འབྲོག་ལས་ཀྱི་ཐོན་རྫས་རིན་ཐང་བསྡོམས་འབོར་3.5%ཡན་ཇེ་མཐོར་བཏང་ནས་ཞིང་འབྲོག་མང་ཚོགས་རྣམས་ཀྱི་ལག་ཐོག་ཡོང་འབབ་13%ཇེ་མཐོར་ཡོང་དགོས།
     ཞིང་ལས་ཀྱི་གནད་སྨིན་དབུལ་སྐྱོར་ལས་ཀ་གཙོ་གནད་དུ་བཟུང་ནས་སྐུལ་འདེད་གཏང་དགོས་པ་དང་ཞིང་ལས་ཀྱི་གནད་སྨིན་དབུལ་སྐྱོར་ལས་ཀ་དང་ཞིང་ལས་སྐོར་གྱི་དངོས་བོའི་ཡོ་ཆས་ཆ་རྐྱེན་འཛུགས་སྐྲུན། ཐོན་ལས་གྲུབ་ཚུལ་ལེགས་སྒྲིག ཐོན་རྫས་གསར་བ་དང་ལག་རྩལ་གསར་པའི་ཚོད་ལྟའི་དཔེ་སྟོན་ཁུལ། གཞི་རིམ་གྱི་ཞིང་ལས་ལག་རྩལ་གསོ་སྐྱོང་སྦྱོང་བརྡར་ཞབས་ཞུ་སོགས་ཞིང་ལས་སྐོར་གྱི་གཙོ་གནད་བྱ་བ་དང་རྣམ་གྲངས་གལ་ཆེན་དག་མཉམ་འབྲེལ་བྱས་ཏེ་ས་གནས་དང་སྡེ་བ། མི་སྒེར་སོགས་ནས་ཕྱོགས་བསྡུས་ངང་ལག་བསྟར་བྱ་དགོས།།