མིག་སྔར།  ཕྱག་ཕྲེང་རྫོང་གིས་བོད་རྒྱ་སྐད་གཉིས་ཀྱི་དགེ་རྒན་རྩ་འཛུགས་བྱས་ནས་གྲོང་རྡལ་12ལ་2016ལོའི་བོད་རྒྱ་སྐད་གཉིས་ཟབ་སྦྱོང་འཛིན་གྲྭ་བསྡུས།  ཟབ་སྦྱོང་གི་སྐབས་སུ།  སློབ་ཁྲིད་དགེ་རྒན་གྱིས་དཔེར་བཞག་ནས་གསལ་བཤད་བྱེད་པ་དང་དྲི་བ་དྲི་ལན་གྱི་ཐབས་ལ་བརྟེན་ནས་གྲོང་གསེབ་ལས་བྱེད་པས་རྒྱ་སྐད་དང་གྲོང་རྡལ་གྱི་ལས་བྱེད་པ་ལ་བོད་བཤད་དུ་བཅུག་ནས་ཤེས་བྱ་བློ་ལ་ངེས་སྲ་བརྟན་དུ་བཏང་།  

       རྒྱུས་ལོན་བྱས་པ་ལྟར་ན།  གཞི་རིམ་ལས་བྱེད་པའི་རྒྱ་བོད་སྐད་གཉིས་ཀྱི་ཆུ་ཚད་མཐོ་འདེད་ཡོང་ཕྱིར།  ཕྱག་ཕྲེང་རྫོང་གིས་ད་རུང་ཕྱག་ཕྲེང་གི་ཁ་སྐད་ཚིག་500མ་ལ་འཇུག་པ་ཞེས་པ་པར་བསྐྲུན་བྱས་ཤིང་།   དུས་རྒྱུན་གྱི་ལས་ཀ་དང་འཚོ་བར་འབྲེལ་བ་ཟབ་པའི་ཚིག་དག་གོ་སླ་བའི་བོད་རྒྱ་ཤན་སྦྱར་དང་འཚོལ་བསྡུ་བྱས་པ་མ་ཟད།   དགེ་སློབ་གཏན་ཁེལ་བྱས་ནས་བོད་རིགས་ལས་བྱེད་པ་དང་རྒྱ་རིགས་ལས་བྱེད་པའི་བར་ལ་གཅིག་ཕན་གཅིག་རོགས་ཀྱི་འབྲེལ་བ་དམ་པོ་བཙུགས་ཏེ།   སྐད་ཡིག་གི་ཁོར་ཡུག་གཅིག་བསྐྲུན་ནས་ལས་བྱེད་པ་རྣམས་ལ་སློབ་སྦྱོང་བྱེད་བཅུག །