སྤྱི་ཟླ་9པའི་ཚེས་5ཉིན།  ཁག་བཞི་པའི་བོད་ཁུལ་ཁ་གཏད་རོགས་སྐྱོར་གྱི་ལས་བྱེད་པ་925བོད་ཁུལ་དུ་བསྐྱོད་འགོ་བརྩམས།  མིག་སྔར།  སི་ཁྲོན་ཞིང་ཆེན་གྱིས་བོད་སྐྱོར་ཤེས་ལྡན་མི་སྣ་སྟོང་ལྷག་གི་ཁྲོད་དུ་ཤེས་ལྡན་མི་སྣ་4500བདམས་ནས་བོད་ཁུལ་ཏུ་ཁ་གཏད་རོགས་སྐྱོར་གྱི་ལས་ཀ་སྤེལ་ཏུ་མངགས།
        ཀྲུང་དབྱང་དང་སི་ཁྲོན་ཞིང་ཆེན་ཏང་ཨུའི་འབྲེལ་ཡོད་བཀོད་སྒྲིག་གལ་ཆེ་འགའ་དོན་འཁྱོངས་བྱེད་པའི་ཆེད་དུ།  སི་ཁྲོན་ཞིང་ཆེན་གྱིས་2010ལོར་ལས་བྱེད་མི་སྣ་སྟོང་གིས་བོད་སྐྱོར་ཞེས་པའི་བྱེད་སྒོ་སྤེལ་འགོ་ཚུགས།  སི་ཁྲོན་ཞིང་ཆེན་ཏང་ཨུ་རྩ་འཛུགས་པུའུ་ཡིས་བོད་རིགས་ས་ཁུལ་གྱི་ལས་ཀའི་དགོས་མཁོ་དངོས་དང་བསྟུན་ནས་ཞིང་ཆེན་ཐད་གཏོགས་སྡེ་ཚན་15དང་གྲོང་ཁྱེར་10ཁྲོད་དུ་བོད་སྐྱོར་ལས་བྱེད་པ་925བདམས། སྔར་གྱི་ཁག་གསུམ་པ་དང་མི་འདྲ་བ་ནི་ཁག་བཞི་པའི་བོད་ཁུལ་ཁ་གཏད་རོགས་སྐྱོར་ལས་བྱེད་པ་རྣམས་ལ་ལས་འགན་གཞན་ཞིག་ཡོད་པ་ནི་དབུལ་སེལ་འགག་སྒྲོལ་རེད།  ཤེས་ལྡན་མི་སྣ་དེ་དག་གིས་བོད་རིགས་ས་ཁུལ་གྱི་ཁྱད་ལྡན་ཐོན་རྫས་ཀྱི་འཕེལ་རྒྱས་དང་སྡོད་ཁང་རྨང་གཞིའི་འཛུགས་སྐྲུན།  དེ་མིན་སྤྱི་པའི་ཞབས་ཞུའི་ལས་ཀ་དང་གོམས་གཤིས་བཟང་པོ་སོགས་ཀྱི་ཕྱོགས་ལ་ཐབས་ཇུས་བཏོན་པ་དང་འབད་བརྩོན་བྱ་རྒྱུ་རེད།།