ཉེ་ཆར། དུས་ཡུན་ཉིན་2རིང་གི་རྔ་བ་ཁུལ་གྱི་མེས་རྒྱལ་ལ་བསྟོད་གླུ་ལེན་པ་དང་ཕ་ཡུལ་ལ་དགའ་ཞེན་བྱེད་པ་ཅེས་པའི་གླུ་དབྱངས་འགྲན་སྡུར་མཇུག་སྒྲིལ། གནས་ཚུལ་རྒྱུས་ལོན་པ་ལྟར་ན། བྱེད་སྒོ་དེ་ཟླ་དགུ་བའི་ཟླ་སྟོད་ནས་སྤེལ་འགོ་ཚུགས་པ་ནས་བཟུང་། ཁུལ་ཡོངས་ཀྱི་རིམ་པ་སོ་སོའི་ཁེ་ལས་ལས་དོན་སྡེ་ཁག་གི་ལས་བྱེད་མི་སྣ་དང་བོད་སྐྱོར་ལས་བྱེད་པ། དམག་སྡེ། དྲག་ཆས་ཉེན་རྟོག་དཔོན་དམག་ཁྲོད་ཀྱི་རོལ་དབྱངས་ལ་དགའ་མཁན་དག་འགྲན་སྡུར་ལ་ཟབ་ཞུགས་བྱས། ཐོག་མའི་འགྲན་སྡུར་གྱི་འདེམས་བསྐོ་བརྒྱུད་འཐུས་ཚབ་རི་ཁག་17གིས་གླུ་ལེན་ཚན་ཁག་གཉིས་འདེམས་ཤིང་། ཁྱོན་མི་32འགྲན་སྡུར་ཁྲོད་དུ་ཞུགས། །