སྤྱི་ཟླ་10པའི་ཚེས་8ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་མི་དམངས་ཚོགས་ཁང་ཆེན་མོའི་ནང་ཕོར་ཐུ་གལ་གྱི་ཙུང་ལི་ཁེ་སི་ཐ་ལ་མཇལ་འཕྲད་གནང་།
        ཞི་ཅིན་ཕིང་གིས་ཀྲུང་གོ་དང་ཕོར་ཐུ་གལ་གྱི་མི་དམངས་མཛའ་བརྩེ་འབྲེལ་འདྲེས་ཀྱི་ཆུ་རྒྱུན་ཤིན་ཏུ་རིང་། རྒྱལ་ཁབ་གཉིས་ཀྱིས་འབྲེལ་བ་བཙུགས་ནས་ལོ་ངོ་37འགོར་བའི་རིང་ལ། ཕྱོགས་གཉིས་ཀྱིས་ཕན་ཚུན་ལ་རྒྱུས་ལོན་དང་བརྩི་འཇོག ཕན་ཚུན་ལ་ཡིད་ཆེས་དང་རྒྱབ་སྐྱོར་བྱས་པ་ནི་རྒྱལ་ཁབ་གཉིས་ཀྱི་འབྲེལ་བའི་འཕེལ་རྒྱས་ཀྱི་རྨང་གཞི་གཙོ་བོ་ཡིན། ཉེ་བའི་ལོ་ཤས་རིང་། ཀྲུང་གོ་དང་ཕོར་ཐུ་གལ་མཐོ་རིམ་འགོ་ཁྲིད་པས་འབྲེལ་འདྲིས་བྱས་པ་མང་ཞིང་དངོས་དོན་མཉམ་ལས་ཐད་ནས་གྲུབ་འབྲས་ལེགས་པོ་ཐོབ་པ་དང་། མི་ཆོས་བརྗེ་རེས་རྒྱ་སྐྱེད་པ། དེ་མིན་རྒྱལ་སྤྱི་དང་ས་གནས་ཀྱི་གནད་དོན་ཐད་ནས་མཐུན་སྦྱོར་དམ་པོ་བྱས་པས། རྒྱལ་ཁབ་གཉིས་ཀྱི་ཁྱོན་ཡོངས་ཀྱི་འཐབ་ཇུས་གྲོགས་པོའི་འབྲེལ་བའི་ནང་དོན་ཕུན་སུམ་ཇེ་ཚོགས་སུ་བཏང་ཞེས་བསྟན། 
        ཁི་སི་ཐ་ཡིས་ངས་ཐེངས་འདིའི་ཀྲུང་གོའི་འཚམས་འདྲི་བརྒྱུད་དེ་ཕོར་ཐུབ་གལ་དང་ཀྲུང་གོའི་ཁྱོན་ཡོངས་ཀྱི་མཉམ་ལས་འབྲེལ་བར་སྐུལ་འདེད་དང་རྒྱུད་གཅིག་ལམ་གཅིག་གི་སྒྲིག་གཞི་འོག་མཉམ་ལས་བྱེད་པར་སྐུལ་འདེད་བྱེད་འདོད་པར་མ་ཟད། ལྷག་པར་ནུས་ཁུངས་དང་དངུལ་རྩ། གློག་ཤུགས། རྨང་གཞིའི་སྒྲིག་བཀོད། ཞིང་ལས། བཟོ་སྐྲུན་ལས་རིགས། རིག་གནས། ཡུལ་སྐོར་སོགས་ཁྱབ་ཁོངས་ཀྱི་ལས་འབྲེལ་ཤུགས་སྣོན་བྱ་དགོས། ཕོར་ཐུ་གལ་ཕྱོགས་ནས་ཡོ་རོབ་གླིང་དང་ཀྲུང་གོའི་འབྲེལ་བའི་འཕེལ་རྒྱས་ལ་འཛུགས་སྐྲུན་རང་བཞིན་གྱི་ནུས་པ་འདོན་འདོད་ཅེས་བསྟན།།